|
سحب العربية زفت... يا ترى المشكلة فين؟
السلام عليكم
كنت عملت صيانة كربراتير الإسبوع إللى فات و أكس و باب و الذى منه كالعاده العربية كانت طالعة الله أكبر, بتجرى من غير ما أدوس بنزين (بتاع الكربراتير علا الكهربا و السلانسية) المهم تانى يوم بالضبط و لا قيت العربية مش بتعتل فى الدوارة و بتفصل و أنا ماشى و كل ما آخد نقله لازم أزود بنزين قبل ما أرفع رجلى من الدبرياج يا إما تشرق و تفصل. رحت لميكانيكى يضبط الكهربا و السلانسية و خلط الهوا و البنزين, و يرجلش فرامل الهاند و إللى ورا علشان كانت ضعيفة. النتيجة: المشكلة لازالت موجودة ( تفصل و تشرق) + السحب بقى زى الزفت أخدت العربية فى شارع مفتوح و قولت أعمل تست لاقيتها مش عاوزة تسحب و صوتها عالى جداً و شميت ريحة عادم. كشفت عالبوجيهات(رغم إنى لسة مغيرها) و الحمد لله ما فيهاش حاجه. المشكله من إيه ؟؟؟؟ العربية كأنها ماشية محملة أسمنت. إنقذونا من الأسمنت ده. السيارة لادا 2105 |
رد: سحب العربية زفت... يا ترى المشكلة فين؟
ضبط توقيت الشرارة عن طريق الاسبراتير هتتحل مشكلتك
|
رد: سحب العربية زفت... يا ترى المشكلة فين؟
اقتباس:
هأحاول أروح لميكانيكى آخر يضبطه, العربية كنت ماشى بيها دلوقتى و قابلنى مطب, هديت و مورت و بعد المطب أخدت الأول و شعّرت بنزين(زى ما كنت بأعمل الأول) بس (مش ضغط جامد زى ما لازم أعمل حالياً), لاقيتها فصلت. مش عارف ليه أنا شاكك يكون الراجل رجلش الفرامل زيادة بقت قافشه. هل ليها حاجه أختبرها عليها؟ ريحه مثلاً, أو أشد الهاند و أدى الأول و أجرب أطلع ؟؟؟؟؟؟؟؟ منتظر ردودكم |
رد: سحب العربية زفت... يا ترى المشكلة فين؟
اقتباس:
لو شاكك فى الفرامل ممكن بعد مشوار كدة تنزل تجس الجنوط بأيدك لو عجلة قافشة هتلاقيها اسخن نسبيا من باقى العجل وطبعا لو قافشة للدرجة اللى تخلى سحب العربية زفت كدة (زى ماحضرتك بتقول)المفروض تشم ريحة زى الشياط كدة وجرب برضو تكون ماشى فى حتة فاضية كدة واجرى شوية ومور وسيب العربية وشوف السرعة بتهدى واحدة واحدة ولا العربية بتفرمل لوحدها او سيبك من دة كلة وهات الكوريك وارفع عجلة عجلة وجرب لفها بأيدك وساعتها هاتعرف العجل قافش ولا لأ |
رد: سحب العربية زفت... يا ترى المشكلة فين؟
باشا مورها وجرب تزقها بايدك وشوف المقاومه ايه
او بعد مشوار جس الحراره بتاعة الجنوط بايدك كده العجله القافشه حتلاقيها سخنه |
| الساعة الآن 11:14 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017