|
باركولى .. والحقونى...
السلام عليكم يا احلي شباب ..
الحمد لله استلمت عربيتي اللوجان ولونها فيرانى بعد انتظار رهيب و خناقات و مشاكل .. انا عايز منك تباركولي جامد جدا جدا و اسمع ضرب نار و المنتدى يحتفل 7 ليالي :260309~146: الحمد لله استلمتها عروسه كل حاجه فيها زي الفل و تمام التمام بس للأسف في شويه حاجات نكدت عليا وعايز مساعدتكم ضروري جدا جدا 1- بعد 24 ساعه فقط حصل حادث اليم للكاوتش الشمال الخلفي:THUMBS~113: سبب فتحه طولها 4 سم والكاوتش كدا راح بالسلامه وخد العين الحمد لله.. ها اضطر اجيب كاوتش جديد .. ممكن تقولوي اجيب كاوتش ايه ومنين و بكام.. انا في مدينه نصر .. ارجوكم ساعدونى في الحوار دا .. ضروري ضروري 2- في صديق قالي ان الكاوتش في الضمان كلمت خدمة العملاء قالولي لا مش فيه هل في بعض التوكيلات فيها الكاوتش في الضمان ؟؟؟ وهل في عيب كدا في الكاوتش ولا ايه ؟؟ 3 - معدل الاستهلاك في العربيه حوالي 16 لتر لكل 100 كيلو واعتقد دا مش تمام:thnkr: .. انا عامل 60 كيلو بس لحد دلوقتي وطبعا انا متعلم سواقه قريب فيادوب بمشي علي الاول والتانى ولما اجيب 60 كم في الساعه بحي انى طاير هل دا ها يكون هو سبب الاستهلاك العالي دا .. انا للمعلوميه كلمت رقم خدمة العملاء و قالي دا عادي في الاول وبعدين ها يقل هل دا سليم وحصل مع حد تانى ؟؟؟ انا منتظر اجابتكم علي نار لان فرقعه الكاوتش مافيهاش معلش وانتوا عارفين :w6w200504112236376d ان شاء الله ها عمل تقرير عن تجربتي و عن كيفيه شراء السياره و الاستلام و التقسيط و حوار ما قبل اللوجان أسف للأطاله و ربنا يقدرنى علي رد جمايلكم |
رد: باركولى .. والحقونى...
الف الف مبروك ربنا يديك خيرها ويكفيك شرها
|
رد: باركولى .. والحقونى...
:THUMBS~220::THUMBS~220:: THUMBS~220:مبرووووووووووو وووووووووووووووك:THUMBS~2 20::THUMBS~220:
|
رد: باركولى .. والحقونى...
اولا الف الف مبروك عليك اللوجان يا كبير .. ربنا يباركلك فيها ويكفيك شرور الطريق وتتربى فى عزك يا معلم هههههه
المهم .. بالنسبة للكاوتش معلش قدر الله وما شاء فعل .. هى الشوارع بقت مشكله فعلا .. المهم الفرده اعتقد سعرها فى حدود400 - 500 جنية .. طبعا هتجيب فرده زى القديمة بالظبط .. وبالنسبة لاستهلاك البنزين طبيعى جدا يكون عالى لأنك لسه فى مرحله التليين ... وعلى فكره اللوجان بالذات مهم جدا تلينها صح علشان تتبسط من ادائها بعد كده باذن الله .. حاول تدورها لمده يوم كامل بمعدل ساعة ونصف ساعة راحه وهكذا .. وبعدين لغاية لما تكمل 1000 كيلو بالسلامة باذن الله خليك هادى معاها جدا وانقل غياراتك من 2 الى 3 RPM وباذن الله بعدها كل شئ هيبقى تمام جدا .. صوت الموتور هينعم خالص واستهلاك البنزين هيقل جدا واذاء العربية هيتحسن طبعا .... وخليك معانا باذن الله واحنا تحت امرك فى اى معلومة تخص اللوجان بشكل خاص او العربيات بشكل عام ... ومبروك مره تانية يا غالى ..... |
رد: باركولى .. والحقونى...
شكرا ليكم و ربنا يبارك فيكم كلكم... الحمد لله انها جت في الكاوتش .. انا اشتريت كاوتش جديد هانكوك كوري ب 473 جنيه من توكيل في عباس العفاد
حبيت اشارك معاكم بس اللي أخدت بالي منه وانا بستلم: 1- الجسم الخارجى سليم و مغطى 2- الاشارات الجانبيه و الاماميه والانوار تعمل 3- تجربه لمبه الاستوب و الفوج لايت 4- المساطر الكروم الاماميه والخلفيه موجوده و سليمه 5- لمبه الشنطه الخلفيه و صندوق التابلوه 6- غلق الابواب والزجاج والشنطه و الكابوت و فتحه بسلاسه 7- تجربه الستنر لوك و المفتاح بالريموت 8- تشغيل العربيه من المفتاح العادي 9- حركه الكراسي و تعديل وضعيتها 10- تجربه احزمة الامان كلها و وضع الدريكسيون فوق و تحت 11- تجربه التكييف و سخان الزجاج الخلفي و المرايات الجانبيه 12- تحريك المرايات الكهرباء و قفلها و فتحها 13- اشارات الانتظار تعمل 14- ولاعه السياره تعمل 15- وجود عتب الرينو علي الابواب الاماميه (فول اوبشن فقط) 16- نوع الاستبن نفس نوع العحل اللي متركب 17- طاسات العحل راكبه او في كيس لوحدها 18- الاريال و عده الكوريك و فك العجل و قطر العربيه 19- كتيبات الكتالوح و الضمان و الكاسيت 20- شفره الكاسيت و تجربه اسطوانه ام بي ثري 21- السماعات كلها تعمل 22- التأكد من السوائل كلها في العربيه ( المياه الخصراء و الزيوب و الرشاش للمساحات ) 23- تعديل ارتفاع النور من بكره الارتفاع اسفل الدريكسون 24- التأكد من عمل المساحات 25- عداد السرعه يعمل مش مفصول 26- تجربه كلاكس العربيه 27- كمبيوتر الرحلات 28- باب التانك يفتح ويقفل عادي 29- لمبه الصالون وانها تعمل مع قفل الابواب دي من تجارب اعضاء لوجانوين محترمين و اصدقاء استلموا قبل كدا و الباقي جه في بالي وانا رايح استلم يارب تنفع الكل إن شاء الله |
| الساعة الآن 03:50 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017