سؤال لأهل الخبرة فكرة فتح محل كماليات سيارات
 

السلام عليكم ورحمة الله وبركاته أنا كنت بفكر أفتح محل كماليات سيارات عندنا في

البلد ولكن أنا ليس عندي خبرة في الموضوع مثل من أين تاتي البضاعة أو مكان

وأفضل أنواع السيارات اللي أنا هبيع كماليتها نقل ولا ملاكي فياريت لو حد عنده

خبره يزودني ببعض المعلومات وجزاكم الله خيرا والسلام عليكم

رد: سؤال لأهل الخبرة فكرة فتح محل كماليات سيارات
 

اولا المكان فين و ايه اكتر عربيه منتشره عندكم وهل في ميكانيكيه جنبك و شوف اكتر عربيه بتيجي ليه و بعدين في سوق التوفيقيه فيه بالجمله و اسعار مناسبه
بس لازم يكون ليك خبره في العربيات و في القطع المطلوبه علشان ماتشتريش حاجه مش مطلوبه

رد: سؤال لأهل الخبرة فكرة فتح محل كماليات سيارات
 

رد: سؤال لأهل الخبرة فكرة فتح محل كماليات سيارات
 

انا صاحب محل قطع غيار سيارات وشغال في الهيونداي لان اغلب السيارات عندنا خصوصا التاكس هيونداى وبجيب قطع الغيار من التوفيقية ،أول شي زى ما الأعضاء قالو لازم تكوم بالقرب من المنطقة الصناعية او الورش وده مهم جدا ، ثانيا رأس المال لانك لو ناوى يبقي تدخل بقوة وتركز في الأول على ماركة معينة مثل الهيونداى يبقي يكون عندك كل ما تحتاجة الهيونداى أو ممكن تعرف من ميكانيكى تقعد معاه وتظبطة عشان يقولك ايه اللي العربية بتحتاجة اكتر حاجة وتكتبة وتكرر مع اكتر من ميكانيكي وتاخد الخلاصة ، كمان التاجر هيعرض عليك اصناف ممكن ما تكونش كتبتها ، مثل الكبالن والمساعدين وطرمبات البنزين والمياه والفلاتر والسيور والتيل والبوجيهات واسلاكها والجيوانات وعوامة البنزين والوايرات وجلد العفشة والمقصات وشوية شغل كهربا ............
بس لما تروح تشتري اوعي تجيب من اول محل تدخله ، اسأل كويس وفي اكتر من محل وربنا يوفقك

رد: سؤال لأهل الخبرة فكرة فتح محل كماليات سيارات
 

جزاكم الله خيرا علي هذه الأفاده ولكن في سؤال أخير كم المبلغ الذي أبدا به هذا المشروع بالطبع ده تقريبي والسلام عليكم