مشكلة جديدة في البرايد ... الدركسيون بيحدف يمين وشمال لوحده
 

السلام عليكم..

مشكلة جديدة في البرايد .. لما بكسر الدركسيون خفيف جداً بحس أنه بيكسر زيادة لوحده , أقصد أنه أكنه عايز ياخد إيدي ويكمل في نفس اتجاه الكسرة الأولى...
أحياناً برضه بلاقيه بيحدف لوحده مع التسريع والتبطيئ والحدفة في الحالة دي بتبقى غالبا على الشمال..

إيه رأيكم في القصة دي؟؟

رد: مشكلة جديدة في البرايد ... الدركسيون بيحدف يمين وشمال لوحده
 

نفس المشكله عندى
برجاء الرد من ذو الخبره الكرام فى المنتدى الكبير

رد: مشكلة جديدة في البرايد ... الدركسيون بيحدف يمين وشمال لوحده
 

بصو يا شباب فيه احتمالين الاولانى ان فيه مشكلة فى السكاترا (علبة الدريكسيون)
او فيه مشكلة فى العفشه (مقصات جلب ) حاجة مرحلة عايزة ظبط زوايا او العربيه من تحت يعنى ... اللى يحدد اكتر عفشجى مضمون او ميكانيكى حافظ العربية او بتاع زوايا مضمون
اللى عايز اقولة انك ممكن تبداء بزيارة لبتاع الزوايا وهو هيقولك لو فيها حاجة تروح للعفشجى يعالجها وبعدين ترجعله تانى يظبط زوايا

بس المهم اى حاجة فى الدريكسيون او علبة الدريكسيون والتيشات والعفشه عموماً خطير جداً لا قدر الله ولازم تبص عليها دايماً وتعالجها اول ما تلاقى اى حاجة ولو بسيطة

رد: مشكلة جديدة في البرايد ... الدركسيون بيحدف يمين وشمال لوحده
 

عندي مشكله في الكيا السيبا 2006
السيارة بتاكل زيت مش عارف ليه ومفيش دخنه من الشكمان وكل ما بغير الزيت ملاقيش في العربيه غير كيلو زيت غيرة زيت شل وموبيل 5000 ولكن بغيرة علي1900 بس بيكون مر عليه اكثر من ثمانية شهور وعلي فكره ذهبت للمكانيكي وطلبت منه ان يفك الماتور لكي اطمن وفك راس الماتور امامي وجده زي الفل ركب شمبر ياباني جديد وجوان وش السلندر ورجع العربيه زي ماكان ولكن الزيت ينقص كل مرة مش عارف الحل ايه وعلي فكرة لمبة الزيت مش بتنور مع نقص الزيت والعربيه مش بتسخن وورتها لاكثر من ميانيكي يقولو الماتور كويس وبعرق ميه من الشكمان

رد: مشكلة جديدة في البرايد ... الدركسيون بيحدف يمين وشمال لوحده
 

من كلامك واضح ان مفيش مشكله ميكانيكه في الموتور تسبب النقصان ده 'بالتالي الاحتمال الباقي هو وجود تسريب ... جرب تركن العربيه علي ارض نظيفه وسيبها كذا ساعه وشوف تحتها نقطه زيت فين