رد: هل اشترى كيا كارنيزوالا تويوتا افانزا
 

طززز فى الافانزا دى والله عربيه فااااااااااااااااشله بكل المقاييس ده كفايه محور العجل بتاعها الى شبه التوك توك ده .. طبعا الكارينز

رد: هل اشترى كيا كارنيزوالا تويوتا افانزا
 

الموجودة فى مصر 5 راكب بالمقارنة مع الكارينز انا شايف من وجهة نظرى انها افضل من نواحى كتير
اولا الليفينا يابانى
+ سعر اقل من الكارينز الليفينا بـ 117 الف الكارينز 132 الف فرق 15 الف جنية
+ وكيل سمعته كويسة
وملاكها بيشكروا فيها جدا
انا ان شاء الله ناوى اشتريها فى خلال الشهر دا

رد: هل اشترى كيا كارنيزوالا تويوتا افانزا
 

بخبرة تعاملى الذى تجاوز السنتين مع العرية دى اقدر اقولكم مميزات العربية وعيوبها بعيدا عن الافتاءات اللى الناس بتقولها دى
أولا المميزات:
**************
1-عربية عملية جداااا وواسعة لدرجة شديدة تخدع من ينظر اليها من الخارج على انها ضيقة ورفيعة...أتحدى اى حد يركب فى الكنبة الوسطى وميبقاش قاعد مرتاح...انا طولى 188 سم وكنت ساعات بقعد فى سفر فى النص مع اخويا طوله 185 سم ووالدتى وكنا مرتاحين جدااا لكن بعكس كل العربيات السيدات اللى تدخل تقعد ورا وتحس انك ساقط مع الكنبة على الارض دى بتحس انك اعلى من مستوى اللى قدام واخر كنبة وانت قاعد فيها تحس انك فى السما...

2-التكييف ممتاز جدااا على أقل درجة تكيف العربية فى اقل من دقيقتين وبالاضافة الى وجود 3 فتحات تكييف فى السقف لتهوية باقى العربية من الخلف..يعنى العربية فيها 9 فتحات تكييف"4 فى التابلوه و2 تحت التابلوة لتهوية القدمين فى الامام هواهم تلاجة و3 فتحات فى السقف ورا"

3-الكاسيت ممتاز
4-عفشة العربية رائعة بس ممكن تكون ناشفة شوية والعربية لو جبت جيش مصرى قعدته جواها عمرها ما هتنزل ابدااا عالية جداا تدخل بيها فى اتخنا مطب
5-سحب العربية ممتاز وخاصة فى المانيوال...
6-العربية قليلة الاعطال وتكاد تنعدم"صناعة تويوتا" بالمقارنة بالكارينز
7-دفع خلفى جبار
عيوب العربية
**************
1-العربية ثباتها ضعيف بعد ال140 كم وذلك لعلوها عن الارض وخفة وزنها
2-صوت الماتور عالى شوية فى الاول لكن بعد التليين بيبقى ملبن
3-قطع غيارهاغالية شوية
4-شكلها التقليدى"ياريت يعملوا حاجة بخصوص التصميم بتاعها عشان تلقى نبيعات كويسة"
بس مفيش اى عيوب تانية بحكم سواقتى ليها العربية ممتازة لمن يريد سيارة 7 راكب بعيد عن شراء سيارة زى الكارينز اللى مش برتاحلها واى حد يدخل على مواقع بيع السيارات هتلافوا ناس اشتروها موديل 2011 و2012 ومش عاملة الا 2000 كم ومتباعة واللى مش معلقة نمر ومتباعة...عربية منفخة على الفاضى ومفهاش وسائل الامان بتاع الافانزا غير انها مش 7 راكب

رد: هل اشترى كيا كارنيزوالا تويوتا افانزا
 

الليفينا تقفيل صيني

Re: رد: هل اشترى كيا كارنيزوالا تويوتا افانزا
 

وهل دا معناه ان العربية سيئة
اكبر الشركات فى العالم فى مجال السيارات او غيره بتصنع فى الصين ومنتجهم كويس جدا والى حد بعيد والشركات دى اكيد ليها مواصفات معينة لازم تكون فى المنتج اعتقد ان الفكره من تصنيعهم فى الصين او مصر هوا لرخص الايدى العاملة عن بلد المنتج الاصلى فابيقل فى تكلفة المنتج
اظن فكرة الفانوس الصينى او اللعبة الصينى اللى بـ 2 جنية ونص وبيبوظ بعد ربع ساعة او ممكن يكون مش شغال اساسا مسيطره على ناس كتير