بالله عليكم تساعدونى بخصوص البونتو !!!!!
 

السلام عليكم
بالله عليكم يا جماعه انا محتار باقلى اكتر من شهر تقريبا معايه مبلغ حوالى 40000 الف جنيه ومحتار جدا اجيب بونتو موديل 2001 او 2001 فابريكه بره وجوه ولا امشى ورا كلام الناس اللى هوا خليك فى الفيرنا واللانوس
مع العلم انى حابب اوى انى اخوض تجربة امتلاك البونتو .... بالله عليكم انا مستنى ارائكم انا متزوج وعندى ولد وبنت عندهم 3 سنين وسنه ... العربيه مناسبه كاسرة ولا ايه؟
والف شكر

رد: بالله عليكم تساعدونى بخصوص البونتو !!!!!
 

البونتو سيارة رائعة و لطيفة, و احدى سيارات فيات التاريخية و ربما هى رمز فيات فى الفترة الأخيرة لنجاحها الباهر فى اوروبا و انحاء كثيرة من العالم.
البونتو أدائها جيد, و اعتمادية و جيدة الصنع,
أما الفيرنا و اللانوس فان البونتو تتفوق فى الاعتمادية و الجودة و لكن حجم المحرك فى صالح اللانوس و الفيرنا و طبعا البرستيج بتاع ال"شنطة".
فارق الحجم ليس كبيرا كما يبدو للوهلة الأولى, فالبونتو ابعادها متقاربة مع اللانوس و الفيرنا.
اذا كنت لا تهتم كثيرا بحجم المحرك و التسارع (البونتو تسارعها جيد لكن أقل من الفيرنا لأن محركها أصغر) و كون السيارة هاتشباك او سيدان فتوكل على الله البونتو سيارة لطيفة و فى النهاية يجب ان تحب السيارة التى سوف تشتريها
أنا من أصحاب نظرية ان السيارة ليست مجرد وسيلة مواصلات بل هى شغف بحد ذاته, و الشغف هو غلاف القلب, يجب ان تحب السيارة التى تشتريها, و ليست الأسباب المنطقية (الانتشار, اعادة البيع, الخ) هى كل ما يجب النظر اليه.

رد: بالله عليكم تساعدونى بخصوص البونتو !!!!!
 

بلا كوري بلا وجع دماغ ... البونتو ممتازه بس الاول خدلك لفه في شارع دمشق و التوفيقيه عشان تعرف مين بيبيع قطع غيارها و برضه اسأل علي الصنايعيه اللي بتشتغل فيها

رد: بالله عليكم تساعدونى بخصوص البونتو !!!!!
 

مشكور على الافاده انا ايضا انوى شراء هذه السياره ومن موضوع استفت كثير ومبروك مقدما وياريت تبقه تقول على اسعارها انا بشوف اسعار متفاوته كتير وبفارق كثير مش قليل لكن طبعا من غير كشف ولا معاينه
بالتوفيق

رد: بالله عليكم تساعدونى بخصوص البونتو !!!!!
 

بجد متشكر جدا على الردود وادعولى انى الاقى حاجه كويسه