ارجو المساعده ضرووووورى i10
 

باركولى يا جماعه انا لسه شاريه هيونداى i10 بس عندى فيها مشكله ف الكاسيت مش عارفه د عيب ايه انا بحفظ قنوات الراديو وبتتحفظ تمام وانا داخل العربيه لكن اول لما بقفل الكونتكت بيتعملها ريسيت من اول وجديد وكمان السي دى بيعيد تانى من اول وجديد يعنى مبيجبش الاغنيه اللى العربيه اتقفلت وهى شغاله فاهمنى ولا يعنى بتبتدى السي دى تانى من الاول نوع الكاسيت رودستار<!-- google_ad_section_end -->

رد: ارجو المساعده ضرووووورى i10
 

المشكلة دى فى الكاسيت رود ستار وعندى نفس المشكلة دى وكمان فى مشاكل تانية فى الكاسيت بس موش هقولك علشان مترميش الكاسيت فى الزبالة اهم شئ انه شغال وبيشغل الاسطوانات وبيستقبل الاف ام انا منتظر لما يبوظ وابق اجيب كاسيت كويس ............ وعلى فكرة اغلب الهيونداى بتبق فيها الكاسيت ده موش ال اى10 فقط مبروك عليك العربية وابق تابع معايا لانى مهتم بالا اى 10 جدا

رد: ارجو المساعده ضرووووورى i10
 

انا أصلا مش عارف المحطات بتتحفظ إزاي في الكاسيت ال رودستار ده؟

رد: ارجو المساعده ضرووووورى i10
 

السلام عليكم ورحمة الله وبركاته
ممكن ترجعى للوكيل غبور فى ابو رواش يشوف العطل ايه وطبعا ممكن يغيره لو فى مشكلة لا تحل لانه فى الضمان
والف مبروك ويديلك خيرها ويكفيكى شرها

رد: ارجو المساعده ضرووووورى i10
 

المشكلة بسيطة جدا المفروض ان في سلك باور في الكاسيت بياخد كهربا مباشرة من البطارية او من اي مصدر كهرباء مباشر لا يفصل مع الكونتاكت وده وظيفته انه بيحفظ الساعة والذاكرة للكاسيت المفروض ان الكاسيت له ضمان جاي مع العربية حضرتك هتروح للعنوان اللي مكتوب في الضمان وهما هيحلوا المشكلة بكل بسا طة