أخيرا مهندس بيفهم بجد فى كهرباء السيارات ومش بيفتى
 

بعد عناء وشقاء لمدة سنه من ساعة ما اشتريت عربيتى الستروين C3 وبعد ما كل انصاف المهندسين خربوا العربية بما فيهم بتوع مراكز الخدمة الشهيرة بدون ذكر اسماء وكل واحد اتدرب في العربية بما فيه الكفاية وأخد خبرة على قفايا وبعد ماصرفت عليها قرب ال17 ألف عشان الناس اللى بتحب تفتى, لقيت واحد يطلق عليه مهندس فعلاً راجل محترم وفاهم بجد واستاذ فى كنترول السيارات هو مهندس فريد شوقى, نصيحة أى حد تعب زى حالاتى من الفَتى وعايز يوفر فلوسه وياخد خدمة محترمة يطلع على هناك على طول ويدعيلى, وهتلاقى هناك مهندس صغير اسمه بيسو الراجل ده عبقرى بجد وفى قمة الاحترام.
الراجل مكانه فى مدينة نصر بعد بوابة الوفاء والأمل وتليفونه 01223236021 ( العنوان بالتفصيل : ادخل من شارع عباس العقاد وأفضل ماشى على طول لحد ماتوصل لشارع ذاكر حسين وبعدين امشى شمال لحد ماتوصل لبوابة الوفاء والأمل هتلاقى بعدها بشوية بس على الصف التانى سور اصفر بتاع حاجه تبع الجيش لف وأدخل الشارع ده لحد ماتلاقى عربيات كتير واقفة هو ده مكانه, هو مكان مش تحفة بس الخدمة فعلا تحفة) روح هناك وقوله انا جايلك من طرف محمد عبد المنعم صاحب الC3 الخضراء وهو هيعمل معاك احلى واجب "يعنى اعمل حسابك فى ضعف المبلغ على طول"
اسف للإطالة ولو حد راح هناك وعجبته الخدمة يبقى يدعيلى
انا هكرر الموضوع ده فى منتدى كهرباء السيارات عشان رفقاء الكفاح فى السيارات الفرنسية

رد: أخيرا مهندس بيفهم بجد فى كهرباء السيارات ومش بيفتى
 

طب يا ريت زي ما قولتلنا عن فريد شوقي إنه محترم تقولنا كمان مين اللي (فتالك) في العربية و كلفك كتير كدة علشان نتحاشاه بدل ما نلبس إحنا كمان

رد: أخيرا مهندس بيفهم بجد فى كهرباء السيارات ومش بيفتى
 

استاذ سامح ربنا مايجعلنا من قطاعين الارزاق, ممكن مكان أكون شايف انه خربلى العربية بس انت تروح هناك يفيدك فى اللى انت عايزه, فمعلش بلاش نذكر اسامى هنا بس النصيحة اللى هديهالك انك لو عايز تعمل حاجه فى كهربة العربية خليك مع فريد شوقى ده احسن واحد من ضمن 7 انا اتعاملت معاهم

رد: أخيرا مهندس بيفهم بجد فى كهرباء السيارات ومش بيفتى
 

:06A7D5~132::06A7D5~132:: 06A7D5~132: Mabrook

رد: أخيرا مهندس بيفهم بجد فى كهرباء السيارات ومش بيفتى
 

:Wkiss5::Wkiss5::Wkiss5:: Wkiss5::Wkiss5::Wkiss5: