رد: بتحب السواقة بسرعة ؟؟
 

طبعا فيروس جنون السرعة اصاب معظم السائقين و معظمهم الشباب لا داعى منها و ربنا يستر طريقنا أنا بردو ساعات بنسى نفسى بس بكون واخد بالى تماما فى كام جتة فى الأوتوستراد لازم أجرى فيهم ان شاء الله همسك نفسى المرة اللى جاية
و ربنا يستر طريقنا جميعا

رد: بتحب السواقة بسرعة ؟؟
 

رد: بتحب السواقة بسرعة ؟؟
 

انا برده زي بقية السواقين شايف نفسي مثالي و ووسط

يعني انا بحب اجري بس استحالة اخد غرزة

و عادي جدا ممكن امشي 190 لو الطريق يسمح

لكن لو شايف اي ملامح خطر علي بعد عالطول برجع للسرعة اللي احس فيها بالامان

و بمسااااااااااااااافة كبيرة نسبة المخاطرة عندي تساوي صفر



لا بصراحة ابو نورا من الناس اللي مواعيدهم زي الفل

أداني ميعاد الساعة 10 الحمد لله قابلته الساعة واحدة باليل !!!!!!!

رد: بتحب السواقة بسرعة ؟؟
 

اهلا بيك يا باشا نورت التوبيك والمنتدى كله ptmnlo123per122

ربنا يستر طريقنا جميعا يارب بس فى سؤال بيلح عليا

انت لو شوفت بورشة هتعمل اللى قولتة ده بجد !!؟؟

اصل انا حصل معايا الموقف ده بالظبط وانا نازل من اكتوبر على الهرم (كانت بورشة بجد ) وحاولت بس مقدرتش خاااااااااالص ptmnlo123per1106

تفتكر الجنوط بتفرق ptmnlo123per1127 ؟


ده بس علشان تعرف معزتك عندى قد ايه يا احمد والله وما ليك عليا حلفان انا عندى ميعاد مع واحد صاحبى المفروض كان اول امبارح الساعة اربعة العصر قول يا رب الحق اروحله بكره ptmnlo123per155

رد: بتحب السواقة بسرعة ؟؟
 

اولا صباح الخير عليكم جميعا يا أعزائى و اخوانى اعضاء المنتدى و كل المصريين اجدع ناس
ثانيا كل الشكر و التقدير للاستاذ المحترم ابو نورا اللى كل مواضيعه فعلا بتشدنى و بتعجبنى

طبعا تبع كلام كل الشباب ان كل الشباب الصغيرين بيحبوا السرعة و فيه شباب بيحبوا السرعة بس بجنون و عدم مسئولية و كل واحد منهم بيكون فاكر نفسه راكب فيرارى و اسمه شوماخر

بس فيه ناس برده للحق بيحبوا السرعة بس فى الظروف اللى تسمح بيها و دول هما اللى واثقين فى نفسهم و فى قدراتهم اكتر مش مجانين و خلاصو مين عارف يمكن الجنون ده فترة كلنا بنمر بيها و احنا صغيرين و بتعدى و سعات الواحد بيتجنن من التسخين و سعات لما يشوف حادثة على الطريق يهدى و يركز لمدة (خمس دقايق مثلا ) :)

المهم ربنا يحفظنا جميعا يا رب من كل الشرور و كل اللى بنحبهم و كل المسلمين يا رب فى كل مكان

انا من اللى بيحبوا السرعة برده و كنت كل عربية اركبها ابقى نفسى اقفل عدادها بس والله على طرق سريعة و فاضية و من غير غرز جامدة و فيه كتير من الطرق دى هنا فى الخليج
و عن تجربة افضل سيارات تسرع بيها و انت مطمئن الألمانى و خصوصا المرسيدس بتاخد غرز على 180 و 200 كانك ماشى 100 او 120 ثبات غير طبيعى ما شاء الله
و ليا شوية تجارب مع السرعة اسمحولى اقولها

اول تجربة كنت مسافر من الكويت لمصر و كنت ساعتها وصلت لمنتصف الطريق فى السعودية و كان معايا مرسيدس e200 الزلمكة مش العيون... المهم الطريق ده كان حارة واحدة رايح و حارة واحد جاى يعنى علشان تتجاوز اى عربية لازم تمشى فى المخالف طبعا علشان تتجاوز لازم يكون الطريق مستقيم و مافيهوش طلعة ولا نزلة جبل .....و كان قدامى عربية نقل و ماشى على مهله طبعا فا مشيت فى المعاكس علشان اعديه و صلت لنص العربية النقل و الاقيلكم العربية مابتجمعش(اتوماتيك :( ) اتارينا طالعين جبل و خلاص عربية نقل تانية جت مكانى ومفيش رجوع و لقيت فى وشى لاند كروزر عمال يقلبلى نور ... طبعا نطقت الشهادتين الاول و بعد كدة قربت قوى من النقل و فرملت شوية علشان افضى حتى نص الطريق للى جاى فى وشى فا النقل اللى كان ورا خد باله و وسعلى مكان يا دوب رميت نفسى فيه وعدى اللاند كروزر

(السواقة ملهاش كبير لا سواق ولا عربية ) لولا ستر ربنا و الواحد لسا ربنا كاتب له عمر كان الواحد راح بلاش :)

تانى تجربة راكب مع واحد صاحبى معاه كرايسلر 300M ماشاء الله عربية حلوة بس صاحبى ده مجنون رسمى من حسن حظه ان عداد عربيته مقفول الكترونى على 190 كم والا كان انتهى من زمان ... المهم كنا ماشيين على 160 و خد بينا غرزة غبية بين اتوبيس و نقل لا قينا قدامنا نقل تانى فا خدنا غرزة اغبى و بدأت العربية تلعب من ورا و هى جر امامى و احنا ماشيين 170 يا معلمين يعنى ما هى الا ثوانى او اقل و نتقلب طبعا برده اتشاهدت و مانطقتش ولا كلمة علشان مايتوترش.... المهم الحمد لله قدر يتحكم فى العربية و ظبطت و برده سالنا نفسنا لييييييه؟؟؟

التالتة و الاخيرة كنت ماشى عادى على طريق سريع و كانت معايا مراتى و هى زى معظم الستات طبعا بتخاف من السرعة و كان معايا عربيتى الحالية كابريس ( 8سلندر 5700 سى سى) و كنت فى اليوم ده متضايق شوية او بصراحة كنت متضايق قوى :) المهم عدى جنبى شاب روش راكب نيسان z350 سخنى فا قمت شادد معاه و مظبطه و هديت شويه و بعدين ماشى قدامى هوندا اكورد و قدامها هوندا سيفك و فاتحين جامد ومش عاوزين يوسعوا و الطريق كان بقى زحمةشوية فا خدت غرزة اربع حارات مع بعض يمين و رجعت الاربع حارات شمال فى نفس الغرزة (غباوة الغباوة) السرعة كانت وصلت 190 أو 200 فى الحركة دى و جيت قدام السيفك بالظبط قال يعنى بأدبه (يا سلاااااام )
المهم وصلنا البيت و مراتى بتتشاهد و الدمعة هتفر من عينها و بجد زعلت من نفسى قوى قوى و برده سألت نفسى (ليييييه)


اللى يضحك فعلا ان الحادثة الجامدة الوحيدة اللى عملتها كانت فى شارع جانبى و جابتلى الجنب اليمين كله عن طريق سواق نقل هندى (هندىىىىى )

و على فكرة فيه كام حاجة تانية بس انا طولت عليكم كفاية و يا رب تسامحونى

الخلاصة ::::

*و انت سايق انت مسئول عن نفسك و اللى معاك و كمان اللى حواليك فا اتق الله
*عاوز تمشى بسرعة روح يا اخى اشترك فى اى سبق او على الاقل تكون الظروف ملائمةللمشى بسرعة فى الطريق العادى و بينى بينكم مانلتزمش الا مايكون فيه رادار ... هو احنا يعنى مانجيش غير بالشكاليتة ؟
*السواقة ملهاش كبير
*اهدوا يا رجالة :)
و السلام عليكم و رحمة الله و بركاته