مصر موتورز مجتمع السيارات - ايووووووووووووووه يا اسكندرانيه

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

- - ايووووووووووووووه يا اسكندرانيه (https://www.masrmotors.com/vb/showthread.php?t=124270)

ايووووووووووووووه يا اسكندرانيه

تحيه كبيره جدا لاهل اسكندريه حبايبنا وقرايبنا والناس الحلوه اللي بتستصيفنا في المصيف مع اننا بنروح نزور اهلنا في بلدنا التاني الاسكندريه
وبعد
عندي سؤال محيرني جدا وعاوز رد ليه من اهل اسكندرية
خلال جولاتي في مواقع بيع السيارات لاحظت ان العربيات في اسكندريه سعرها غالبا يعني مش كل العربيات ارخص من السوق فمثلا الاقي مواصفات كويسه جدا في عربيه معينه وسعر كويس ( معقول) والاقي نفس المواصفات بس بسعر اعلي بحوالي 5 او 7 الاف بس في محافظة تاني غير اسكندرية
فمثلا يعني دايو لانوس الاقيها في اسكندريه 40 ونفس المواصفات والسنه وعدد الكيلو والحاله في القاهرة مثلا 45
السؤال بقي ليه سعر العربيات في اسكندريه رخيص شويه عن باقي المحافظات
منتظر الرد - وشكرا لكل اهلي الاسكندرانيه مقدما علي الرد

رد: ايووووووووووووووه يا اسكندرانيه

اهل اسكندرية دول ليهم معزة خاصة عند كل المصريين
لكن عربيات اسكندرية مش محبوبة اوى بسبب جو اسكندرية ......دة بيوقع بيوت ما بالك بقى عامل اية فى العربيات

رد: ايووووووووووووووه يا اسكندرانيه

[FONT="Arial Black"هو جو إسكندرية بيعمل صداء وبرومة فى العربية بس أحنا كأسكندرنية بندهن بعض أماكن بالبريمر وكمان البلاك الخام غير الأنتركوت وفى بعض حالات قليلة بنلجاء لبوية البحر أو البوية اللى المراكب بتتدهن منها بس دية أسعارها غالية بس سعات بنلجاء لية لو هنشد عربية على الصح ونستخدم تخانت أعلى فى الصاج وطبعا جو أسكندرية يأكل وينهش فى العربية نهش بس لو مظبط الكلام اللى بقولى بيفرق كتير فى الصاج وبيفرق فى تحمل العربية لجو أسكندرية ده غير العناية الدورية للسيارة .

أخوك محمد

[/FONT]

رد: ايووووووووووووووه يا اسكندرانيه

واحشنا يا باشمهندس والله فينك وفين ايامك :)

بص يا باشا هو انت لو تاخد بالك هتلاقى العربيات فى المحافظات عموماً ارخص منها فى القاهرة واعرف حتى تجار مستعمل بيسافرو يجيبو من المحافظات علشان يبيعو فى القاهرة

وبالتالى السؤال يبقى ليه العربيات المستعملة فى القاهرة اغلى منها فى اى حته تانية ؟؟

رد: ايووووووووووووووه يا اسكندرانيه

اقتباس:

المشاركة الأصلية كتبت بواسطة AbOnOrA (المشاركة 949954)

هو ه الكلام

بس على فكره العربيات في اسكنريه اقل في السعر من القاهره مش علشان الجو او حاجه لا خااالص

زي ماتقول كده الاسكندرانيه كرماء حبتين ومش بيحبو يزعلو الزبون