سؤال لخبراء التأمين
 

السلام عليكم ورحمة الله وبركاتة
كنت بسأل على لما احنا بنرخص العربية سنة او اتنين بنروح ندفع تأمين للسنة دى او للسنتين فالتأمين دة بيفيدنى باية اية فائدتة وخصوصا ان فية ناس بعد ما تخلص الترخيص وتدفع التامين فى المرور بتروح تأمين على العربية علشان لو حصل لها اى حادث لا قدر الله التوكيل يصلح على التأمين اية الفرق ما بين الاتنين ؟ تأمين تراخيص المرور // وتأمين على العربية
وشكرا للجميع
تحياتى:thinkW19::thinkW19 ::thinkW19:

رد: سؤال لخبراء التأمين
 

يا ناس اية مافيش حد عارف ويفيدنى

رد: سؤال لخبراء التأمين
 

السلام عليكم
الفرق بين التامين الاجبرى ( بتاع المرور ) ( ترخيص السياره) و التامين الاخر التكميلى

1-التامين الاجبارى من المرور
لا يغطى السياره لكن يغطى بحد اقصى 40.000 جنيه تعويض بحكم قضائى فى حاله ان السياره تصدم احد الاشخاص و يتوفى او يصاب اصابه كبيرة ولا يشمل تلفيات السيارة المصدرة لها الوثيقه

2- التامين التكميلى
يغطى كل ما يخص السياراه من حريق او حادث او سرقه---- كلى او جزئى و لهذا فى حاله حظر البنك يتم اجبار المقترض على التامين التكميلى على شان البنك يضمن حقه فى حاله فقد السيارة او تلفها

رد: سؤال لخبراء التأمين
 

التامين الاجبارى لا يأخد بحكم قضائى يا استاذ
التامين الاجبارى للمرور للاشخاص وليس للسيارات
وهو حسب الاصابه ام الوفاه

رد: سؤال لخبراء التأمين
 

اقراء الكلام تانى قبل الرد يا استاذ