مصر موتورز مجتمع السيارات - مشكلة الغيارات الاوتوماتيك للماتريكس

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - مشكلة الغيارات الاوتوماتيك للماتريكس (https://www.masrmotors.com/vb/showthread.php?t=115031)

مشكلة الغيارات الاوتوماتيك للماتريكس

عندي مشكلة ضعف السحب و لخبطة غيارات الفتيس الاوتوماتيك للماتريكس 2008 ..
الار بي ام بيعلى على السرعات فوق ال100 بيوصل 4 و 5 و 6 كمان و بيثبت على كده !!!
غيرت سيور ماعدا الكاتينة لأنه متغير قريب .. نظفت البوابة .. غيرت بوجيهات .. غيرت زيت موتور و زيت فتيس .. حطيت منظف انجكشن في التانك .. كل ده عملته و لسه المشكلة موجودة بس بتروح و تيجي ..
رحت عملت فحص بالكمبيوتر لقيت طالع قراءة ان حساس الكام (camshaft sensor ) فيه مشكلة و مهندس الصيانة قالي ده راجع لتأخير أو تقديم من سير الكاتينة و التقسيمة لأنه مش مظبوط و عاوز يتغير ..
السير الأصلي عامل 185 جنيه + 80 جنيه مصنعية يعني 265 جنيه ده غير ال 50 جنيه الفحص اللي خده و مش عارف العيب هيروح و لا مش هيروح
بيني و بينكم صرفت كتير حوالي 450 جنيه لحد دلوقتي و مش راضية تتظبط و خايف اصرف كمان على سير الكاتينة بلا داعي .. قولولي اعمل ايه ؟

رد: مشكلة الغيارات الاوتوماتيك للماتريكس

ممكن تقولي الكود الل طلع ايه - والمشكلة دي ظهرت بعد تغيير سير الكاتينة ولا قبلها

------- والله اغظيم اعلي واعلم -----------

رد: مشكلة الغيارات الاوتوماتيك للماتريكس

انا شاري العربية من 20 يوم و مش عارف تغيير سير الكاتينة كان امتى بس كل اللي شافوه قالوي انه لسه راكب قريب ..
بالنسبة للكود مكنش في رقم كود بس كان في سطر مكتوب بالانجلش معناه :
camshaft sensor error

رد: مشكلة الغيارات الاوتوماتيك للماتريكس

السلام عليكم
هل غيرت فلتر زيت الفتيس
واكشف على فيشة حساس الكرنك
وهل لمبة تشك انجن منوره
والله المستعان

رد: مشكلة الغيارات الاوتوماتيك للماتريكس

دى مشكلة صمام ايدل كنترول يتنظف او يتغير