افيدوني في الجراند بيكاسو الله يكرمكم
 

السلام عليكم
انا كنت محتاج عربيه 7 راكب عائليه ولقيتت قدامي الجراند بيكاسو والرينو ليدجو والكارينز والبيجو 5008 .. انا مايهمنيش سحب العربيه يعني كده كده اخري خالص 140 ده لو جبتها اصلا . المهم بالنسبالي 7 راكب وتكون 1600 سي سي .
شوفت فيديو عن الجراند بيكاسو ولقيتها تحفه وعربيه روعه . مشكلتي اللي عاوز حد يفيدني فيها هي قطع الغيار والصيانه .
1- هل فعلا قطع غيارها نادره ومش منتشره وهاتتعبني ؟؟؟؟
2- هل صيانتها صعبه ومش اي حد يشتغل فيها ؟؟؟؟
3- هل فعلا توكيلها وحش في المعامله والتعاون ؟؟؟
واخر حاجه انا بعيد جدا عن القاهره وصعب ان كل شويه انزل القاهره للتوكيل لو حصل عطل فهل في ناس ممكن تبعتلي قطع الغيار اللي انا عاوزها عن طريق الشحن ؟؟؟؟؟
تنصحوني بايه يا اهل الخبره
مستني ردودكم

رد: افيدوني في الجراند بيكاسو الله يكرمكم
 

رد: افيدوني في الجراند بيكاسو الله يكرمكم
 

باذن الله لو مالقيتش حاجه كسر زيرو هاجيب جديده قسط

رد: افيدوني في الجراند بيكاسو الله يكرمكم
 

مفيش كلام انها عربية ممتازة من حيث القيمة وجودة الخامات والتكنولوجيا وعوامل الامان والتصميم والاناقة بس كل دة علي حساب مصاريف التشغيل والصيانة وقطع الغيار ثم اعادة البيع وخاصة لو شاريها زيرو
قطع الغيار متوفرة مش نادرة للدرجة خاصة الاساسيات مشتركة مع البيجو 308 لكن المشكلة في قطع الغيار الخارجية زي الصاج وفوانيس واكشسوارات ديه اقل توفرا وغالية جدا برضو علشان كدة يفضل عموما تبقي مأمن عليها
الخلاصة هي عربية للشياكة والاناقة كاولوية مش حسبة اقتصادية خالص
ولو بتفكر اقتصاديا وحسبة فلوس يبقي جراند تريوس او اي حاجة كوري اوفر بكتييير

كمان متنساش تقرا تجارب الزملاء عن سيارات ستروين عموما وبيجو والسي فور والييكاسو
http://www.masrmotors.com/vb/showthread.php?t=62835

رد: افيدوني في الجراند بيكاسو الله يكرمكم
 

بالنسبة للصيانة كمان مش لازم ف التوكيل فيه مراكز صيانة معتمدة في القاهرة وفيه ورش وعامة اللي بسشتغل في البيجو الحديث بيشتغل في الستروين وقطع الغيار اغلبها مشترك وممكن اه تتبعتلك في اي مكان بس الاسعار في كل الاحوال نااااار