سؤال لأهل الخبرة بالمرور - الرخصة بتاعة البائع ضاعت
 

امامى سيارة اتفقت على شرائها و هى موديل و حالة محترمة و صاحبها طبيب و هى تبع مرور العجوزة و انا مرور فيصل
عرفق ان فيها توكيلين
بعد الفحص و الاتفاق على كل حاجة اتفقنا نعمل اجراءات البيع و الرخصة الجديدة تيقى باسمى - هى حاليا باسم المشترى الاول من الزيرو و اللى بيبيع ماشى بالتوكيل الثانى.
اتفاجئ صاحب السيارة انه مش لاقى الرخصة و بحث عنها فى كل مكان و لم يجدها - فص ملح و داب - على فكرة الرخصة سارية لحد شهر مايو سنة 2013
دلوقت هو عايز يعمل عقد بيع لى مسجل بالشهر العقارى و شهادة مخالفات و شهادة بيانات موجهة من مرور العجوزة الى مرور فيصل (بتاعى). و كمان يعمل محضر فقد رخصة فى القسم - هيسلمنى عقد البيع المسجل و شهادة المخالفات و شهادة البيانات و محضر الفقد و العربية و ياخد الفلوس و يمشى.
هل هذا كافى لاستكمال اجراءات نقل الملكية و استخراج الرخصة الجديدة باسمى من مرور فيصل - اذا كان فيه مشكلة فإيه هى و هل لها حل واللا لأة - ارجو المساعدة فى اسرع وقت علشان لو الموضوع ماشى يبقى هرخص بكرة.

رد: سؤال لأهل الخبرة بالمرور - الرخصة بتاعة البائع ضاعت
 

بامر الله ما فيش مشاكل
بالتوكيل اللى مع البائع ومحضر الفقد هايروح يجبلك عدد 2 شهادة بيانات
واحدة موجهه للشهر العقارى وبكدة هايقدر يعملك عقد بيع مسجل
والثانية موجهه الى مرور فيصل وبدى هاتقدر تمشى فى باقى اجراءات نقل الملكية بعد لما البائع يجبلك شهادة مخالفات

رد: سؤال لأهل الخبرة بالمرور - الرخصة بتاعة البائع ضاعت
 

شكرا لك على هذا الرد الذى اراحنى حيث اننى كنت لا اتخيل ان اشترى سيارة رخصتها ضائعة و هذه مشكلة و الموظفين بيتلككوا

اما اجابتك فهى مطابقة لكلام صاحب السيارة الا انه صاحب مصلحة اما انت فجزاك الله خيرا.:Wkiss5: