صيانات نيسان
 

هتكلم فى هذا الموضوع عن صيانة السيارات النيسان و الفروق بينهم
الكشف على العفشة و تربيطها ( مع ان كلمة تربيط اللعفشة دى غير صحيحة فنيا لكن هقولها تجاوزا) و الكشف على مستويات جميع السواثل و الزيوت مثل زيت الفتيس و المحرك و الفرامل و مياه الريداتير و البطارية فى كل الصيانات
1- صيانة 1000 كم
و الغرض منها تغيير زيت المحرك و دة لان المحرك مش بيتجمع فى مصر يعنى بيجى متقفل من اليابان و ممكن يكون المحرك فضل فترة طويلة فى المينا و بالتالى يجب تغييره
2- صيانة ال 5000 كم
و الغرض منها تغيير زيت المحرك عند اللزوم
3- صيانة ال 10000 كم
و الغرض منها تغيير الزيت عند اللزوم و اللى بيزيد هنا الكشف على الفرامل لأن الكيلو مترات اللى فاتت مش كبيرة لدرجة انى افك العجل و اكشف على الفرامل و عمل رجلاش لفرامل اليد
4- صيانة ال 15000 كم
الغرض منها تغيير زيت المحرك عند اللزوم و مش هكشف على الفرامل عشان انا كنت شوفتها فى صيانة ال 10000كم و دة مش معنى إهمال بالعكس دة معناه توفير فى وقت و فلوس العميل و لو شكيت ان التيل محتاج يتغير بنبه العميل اننا هنكشف عليه غى الصيانة القادمة
5- صيانة ال 20000 كم
و هيا نفس صيانة ال 10000كم و يزيد عليها تغيير البوجيهات
6-صيانة ال 25000 كم
و تعتبر كصيانة ال 5000 كم
7-صيانة ال 30000 كم
و تعتبر كصيانة ال 10000 كم
صيانة ال 40000 كم
و تعتبر كصيانة ال 20000 كم و لكن يزيد عليها تغيير مياه الريداتير و زيت الفتيس لو اتوماتيك و السيور (((((((( بالمناسبة النيسان الكاتينة بتاعتها جنزير مش سير))))))))
و تتكرر الصيانات
ملحوظات
1 فلتر الهواء حسب العمر و يفضل كل 20000 كم
2 فلتر البنزين كل 80000 كم
3 بوجيهات السيارات التيدا كل 100000 كم لانها بلاتين
شكررررررررررررررررررررررر ررررررررررررررررررررررررر رررررررررررررررررررررررا

رد: صيانات نيسان
 

انا أسف جدا
نسيت اهم حاجة و خصوصا بالنسبة للسيارات اليابانية بصفة عامة و النيسان بصفة خاصة
ضبط ضغط الإطارات مهم جدا و يحدث فى كل صيانة و لكن بريدج ستون بتقول يرجى ضبط ضغط الغطارات كل 15 يوم و على فكرة لما تفتح باب السواق و تبص كويس من عند التابلوه ناحبة الباب هتلاقى ورقة متكوب عليها تظبط ضغط الإطارات على كام و امام مختاف عن الخلف
و كمان يفضل تغيير الإطارات كل 40000 كم و لكن بريدج ستون بتقول طول ما انت محافظ على ضبط الزوايا و ضبط ضغط الإطارات ممكن تغيرهم بعد ال 40000 كم بكتيييييييييييييييييييييي ر
سلامو شكرا

رد: صيانات نيسان
 

تسلم ايدك يا باشا واعتزر ان كان الشكر جه متاخر بس موضوع حضرتك مفيد فعلا بس ياترى حضرتك شايف ان عربيات نيسان محتاجة صيانة دورية بمعدل كل 5000 فعلا ولا ديه مبالغات من التوكيل ؟

رد: صيانات نيسان
 

بسم الله الرحمن الرحيم
شكرا على ردك
زى ما قلنا قبل كدة ان إجراء الكشف على الفرامل مش بيتعمل فى الصيانات اللى اولها رقم 5 زر صيانة 5 الاف و 15 ألف و 25 ألف و هكذا و لذلك فمن الممكن أنك ما تعملش الصيانة بشرط إضافة بند الكشف على الفرامل عند عمل صيانة مثل ال 5 ألاف كم مثلا لو هتمشيها 5 15 25 35 45 كم أو مش تضيف البند الخاص بالكشف على الفرامل لو هتمشى الصيانة 1000كم 10 الاف كم 20 الف كم و هكذا لكن طول فترة الضمان لازم تعمل الصيانات كلها زى ما التوكيل ما بيقول عشان ماتخرجش من الضمان يعنى لو ماعملتش صيانتين متتاليتين فى اى مركز معتمد الضمان هيروح هاودهم لحد ما الضمان يخلص انا مصر على موضوع الضمان ده عشان الموضوع ده مهم جدا للعميل و للمركز بصفة عامة و مهندس الورشة و الاستقبال بصفة خاصة
أرجو أن أكون اجبت بدقة و وضوح

رد: صيانات نيسان
 

اجابة واضحة تماما الف شكر يا باشا وياريت تكمل الموضوع بتجربتك للسيارة ومعدلات استهلاك قطع الغيار وخاصة مكونات العفشة