|
شفولى حل مع غبور وحماية المستهلك
السلام عليكم
اشتريت الجيلى ايمى جراند 2014 استلمت شهر 9 منذ 3 شهور تقريبا بعد الاستلام وفى مشاكل فى الكراسي فى مجري الكراسي والسفنج الخاص بالسائق طلع من مكانو ووالتيل الخاص بالفرامل زى الزفت بيصفر والتيل الخلفى بعد ال160 بيعمل صوت تصفير عالى جدا جدا ومشاكل اخري كتير المهم في صيانة الالف قلت فى مركز الخدمة المشاكل قالولى لازم في ابورواش قلت مش مشكلة وسجلتها فى صيانة الخمسة فى ابو رواش ورحت معملش حاجة منهم ولما قلتلو متعملتش قالى فوت علينا بكرا لانى الساعة 5 ونص خلاص قفلنا وتانى يوم قالى لازم تحجزز من جديد ومماطلة قذرة جدا وتعامل زى الزفت قدمت شكوى في المركز لغبور وماعملش اى حاجة كررت التاكيد على الشكوى 4 مرات خلال 20 يوم تقريبا ومفيش امل قدمت شكوى فى حماية المستهلك قالى هات رقم الشكوى الى عملتو فى غبور ولما اتصلت وطلبت رقم الشكوى قالى مفيش رقم شكوى !!! على انى فى الالنترا كنت باخد رقم الشكوى وكان فى اهتمام فوري من قبل غبور فى الشكاوى المرفوعة كلمت خدمة العملاء وطلب حجز معاد صيانة لل10 الف قالولى المعاد اخر شهر واحد الجى يعنى مماطلة واخر قلة ادب العربية رمتها فالجراج لانها عملت 11 الف وطبعا على معادهم هكون عديت ال15 الف ويمكن اكتر انا عايز اعرف اية الحل.? فى توكيل الامل بالبي واى دى محصلش كدا معايا ولا فى توكيل منصور شيفورلية ومراكز الخدمة الى بيوفروها مبتعملش صيانة نهائي كبرهم غيار الزيت والكرسي السفنج طلع منو والتيل عمالين يماطلو عشان يقولو فالنهاية استهلاك هل يوجد احد هنا من حماية المستهلك يتابع معانا؟ لانى فى مشكلة ظهرت فى علبة الفيوزات كامل العربية بتبطل وهى ماشية وبكلمهم يقلى دوس على سلك الفيوز |
رد: شفولى حل مع غبور وحماية المستهلك
اخى ده العادى من اى توكيل عموما ومشكلتك حلها تروح اى مركز خدمه محترم يحللك كل المشاكل ديه فى يوم بعيدا عن وجع دماغ التوكيل
|
رد: شفولى حل مع غبور وحماية المستهلك
استاذى العزيز انا من اول الناس اللى قالت ان التوكيل ليس بتوكيل وانما ارض فاضية متقفلة وشوية ناس لا خبرة لهم والعربية زى ما بتدخل زى ما بتخرج المهم انا ذكرت عيوب كثيرة على مواقع خاصه بالسيارة وقوبلت بهجوم حاد وحذفى من الموقع مع انى ذكرت تلك العيوب من اجل التكاتف ضد هذا التوكيل الذى لا حق لنا عنده وعلى فكرة انا قدمت فيه اكتر من 12 شكوى ولكن قوبل هذا بعدم اهتمام والرد تعالى عندنا مرة اخرى يا استاذى العزيز اقسم بالله انى بشوف ناس كتير عرضتها للبيع وانا منهم لاء وخد الجديد العربية بتستهلك بنزين فوق الوصف انا فولت وشرط البنزين نزلت كلها وفاضل واحده بس وعامله 240كم فقط وارهن ان الجميع سوف يعانى او بيعانى من هذا العيب .
- ورحت حماية المستهلك طلبوا 1000 جنيه امانة فحص ومهندس الصيانه لمحلى بأنه مظبط مع بتوع الفحص فى هندسة عين شمس وعلى هذا لم اذهب قلت ادفع وغبور يكون مظبط حاله وتروح عليا الفلوس المشكلة ان اغلب شكاوى السيارات كانت ضد جيلى غبور انا طابع بنر بعيوب السيارة وهعلقه فى الوقت المناسب وعلى فكرة صاجها زبالة وضعيف للغاية |
رد: شفولى حل مع غبور وحماية المستهلك
للاسف زى ماتوقعت للعربيه دى ....بص حضرتك تاخد موقف ايجابى ...بانر على الزجاج الخلفى للعربيه تكتب فيه ان العربيه فاشله وان التوكيل رافض تصليحه وطول مانت ماشى خلى الناس تقرا
http://www.masrmotors.com/vb/showthr...=101343&page=1 |
رد: شفولى حل مع غبور وحماية المستهلك
اقتباس:
مع الأسف كلامك صحيح يا أستاز أحمد بس نقول الحمدلله وربنا يستر على اللى جاى الصاج فعلا ضعيف واستهلاك البنزين بيكون كبير لو محمل العربية بتلف بيها كتير إطبع الورق فى أقرب فرصة وحاول على قدر ما تقدر تفضحهم فى الشارع أكيد هيحلولك المشكلة لأن الدعاية بالنسبالهم شيء مهم والعربية بتنتشر وخصوصا بتوع التاكسيات الغلابة وموظفين الحكومة اللى اشتروها بالقسط زى حلاتنا |
| الساعة الآن 02:49 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017