ما رايكم بيجو 305 او 128 او 1300
 

السلام عليكم
انا مستجد فى السيرات و اود اخذ رايكم فى ثلاث انواع سيرات امامى
الاولى فيات 128 موديل 77 متظبطه جدا مطلوب 11 الف
الثانية بيجو 305 مودل 79 موتور كويس محتاجة سمكرة و دوكو و طقم كوتش مطلوب 6 الف
الثانية فيات 1300 موديل 75 بمتور فيات 124 عفشة كويسة و صاج كويس محتاجة و ش نظافة مطلوب 5 الف
دول امامى و محتار بنهم
مع العلم انى حمشى بيها كل يوم مشوار 50 كيلو يومية رايح جى
انا احتاج عربية تتحمل الشغل و اقتصادية
فكرت فى 1300 و ركبلها غاز
بس ال305 عجبانى اكتر كشكل و مركة
اما ال128 مش مرتحلها اوى رغم ان الادامى مش نقصة اى شيء حتى الزجاج كهرباء
ارجو الافادة

رد: ما رايكم بيجو 305 او 128 او 1300
 

بدون نقاش

128

الاسباب: مطلوبة فى حالة اعادة البيع - تمنها فيها - صيانه عند اى حد - قطع غيار فى كل مكان - ناعمه ومريحه جوه البلد - صغيرة وتزنق بيها فى مكان - بيبان عليها التظبيط والترويق

رد: ما رايكم بيجو 305 او 128 او 1300
 

128 اعتقد هى انسب اختيار ليك ..

المهم .. اياك و الــ 305 وعن تجربة وخبرة فى العربية دى ..

حاجتها قليلة جدا وغالية جدا جدا ... العربية شكل كويس بس موتور "زباااااالة" ...

نصيحة اخوية ابعد عنها ...




خليك فى الـ 128 انضف حالة وعربية عملية وقطع غيارها رخيصة جدا ومتوفرة جدا جدا ...

رد: ما رايكم بيجو 305 او 128 او 1300
 

السؤال دة بدأ يتسأل كتير وناس كتيرة محتارة تجيب ايه
128 يقولك دي مش عربية اصلا بس حاجتها عند البقال و البيجو 305 يقولك دي عربية جامدة بالنسبة لسعرها بس ملهاش قطع غيار او قطع غيارها غاليه انا كمان بقيت محتار في الموضوع دة خصوصا ان العربيتين بسعر واحد تقريبا وربما تكون 128 اغلى حاجات بسيطة

رد: ما رايكم بيجو 305 او 128 او 1300
 

الف شكر لكم اخوانى الاعزاء على الاهتمام
فعلن انا محتار بين 128 و 305 معى العلم ان ال305 محتاجة حوالى 4000 + ثمنها الهو 6000 على شان تبقى كويسة دوكو و سمكرة و كوتش
بس السوال بعد المصريف حتبقة كويسة ولا لا و حتستحمل الشغل و ال128 بتستحمل شغل انا اعرف انها ضعيفة و رايكم ايه فى الفيات 1300 انا هى شكلها مش حلو و راحت عليها بس هل هى اقوية تستحمل الشغل انا بشفها تكسى و خصوصا انها دفع خلفى و متور 124 اعرف انه محترم و ايه رايكم فى فكرة تركيب غاز لها انا بدور على عربية تستحمل لان ديه محتجها فى شغل نقل يضائع خفيفة حدود 50 كيلو يوميا مسافة50 كيلورايح و 50 كيلو جى و محتاج تكون موفرة فى استهلاك الوقود و متعطلش كل شوية