|
سؤال عن الرينو الوجان ال 7 راكب
أحد الأصدقاء قام بشراء سيارة لوجان 7 راكب و دعانى لمشاهدة السيارة و شرح تفاصيلها من لمبات تظهر فى التابلوه و طريقة عمل التكييف و معنى ال PDC و تشغيل ال DVD و غيرها و غيرها من كماليات السيارة فعندما فتحت الكونتاكت لم تضىء لبمة المحرك Check engine warning lamp فدهشت جدا ... فمن المعرف فى جميع السيارات التى رأيتها أن أى سيارة تحتوى على نظام حقن إلكترونى انه عند فتح الكونتاكت تضىء لمبة المحرك لعمل تشخيص ذاتى أو Self diagnos و تنطفىء بعد ثوانى قليلة او عند إدارة المحرك السؤال : هل يوجد مشكلة فى السيارة أم لا ؟ |
رد: سؤال عن الرينو الوجان ال 7 راكب
والله كان نفسي افيدك يا ريس ...
لكن معنديش اي فكره اعتقد ان اللمبه دي كانت بتنور في السيينا ... لكنها مش موجوده في الماتريكس ... و الاتنين انجيكشين مش كده و لا ايه !!!! خايف اكون بفتي ... ممكن اسألك مهندس يونس ... ptmnlo123per1127 |
رد: سؤال عن الرينو الوجان ال 7 راكب
ايه ياباشمهندس هو انت بتختبرنا ولا ايه؟
وبعدين لا يفتى ويونس فى المدينة |
رد: سؤال عن الرينو الوجان ال 7 راكب
لا بأختبركو ولا حاجة أنا فعلا إستغربت جدا لما لاقيت إن لمبة الإنجكشن مش بتنور عند فنح الكونتاكت لعمل التشخيص الذاتى اللى قولنا عليه قبل كدة
سألت أحد المهندسين فى رينو و قالى هى فعلا مش بتنور عند فتح الكونتاكت و قالى إن الكليو ال1200 سى سى لمبة الإنجكشن بتنور عند فتح الكونتاكت أنا شوفت عربيات كتير جدا إنجكشن فيات و ميتسوبيشى و بى إم و نيسان و غيرها و غيرها و لاقيت إن لمبة الإنجكشن بتنور عند فتح الكونتاكت و بتطفى بعد 3 أو 5 ثوانى على الأكثر أو عند إدارة المحرك و كانت معلومة جديدة بالنسبة لى موضوع الرينو فقلت أسأل و لما جيبت الإجابة قلت أقول عشان الرينهاوية يعرفوا و شكرا يا سامح على إهتمامك و محاولة المساعدة و شكرا يا أيمن على مشاركتك و ثقتك |
رد: سؤال عن الرينو الوجان ال 7 راكب
يا با شا ياريت تطمنا على العربية واستخدامها وحكاية الرومانى فرنساوى دى أخبارها إيه خير ولا مش خير؛ إنما لبمة الإنجكشن أنا مش شايف إنها مشكلة حيوية
|
| الساعة الآن 02:20 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017