مصر موتورز مجتمع السيارات - اية رايك فى سواقة السيدات

السلام عليكم ورحمة الله وبركاتة

انا معجب جدا بالموضوع دة وكان نفسي فعلا من زمان اقول رأيي في الموضوع دة
http://masrmotors.com/vb/images/smil...FEE3%7E144.GIF
اولا احب اشكر
paradise lover
twlight
قيادية

لان ردودهم ممتازة وواقعية وحيادية ومهذبة

......................... ................

ثانيا الموضوع منقسم لاجزاء عديدة ( ياريت تطولوا بالكم عليا هههههههه )
1- نوع العربية
2- فترة القيادة
3- الثقة بالنفس او التركيز
4- عدد الإناث الى بتسوق

على فكرة العناصر دي تبين اسباب السواقة الكويسة او العكس

نيجي لنوع العربية
99% من الستات راكبين موديلات حديثة ودة بيديهم شوية ثبات على الطريق مع فرامل كويسة مع سرعة يعني عربيات صاحية ههههههه( مش بحسد ) دة بيخلي مستواهم او تقييمنا ليهم بيكون كويس غير لما تكون راكبة عربية قديمة وتكون الطارة فيها بوش والباقي انتم عارفينة ههههههههه

ودة بيكون سبب لتفوق الستات على (بعض ) الرجال الى بيبقوا راكبين عربيات قديمة فتلاقي الراجل متغاظhttp://masrmotors.com/vb/images/smil...d9d%5B1%5D.gif من الست الى سايقة عربية حديثة ويقعد يرخم عليها او يحاول يسبقها باي شكل حتى لو هييجي على العربية بتاعتة عشان يثبت لنفسة انه احسن منها فممكن دة يسببلها ارتباك ويخلي تصرفاتها تكون غير اعتيادية

2- فترة القيادة

تلاقي دايما الشباب بتقعد تلف بالعربية يروح يصلي ياخد العربية عند صاحبة الي في اخر الشارع ياخد العربية يشتري سجاير بالعربية
غير انه قلبة جامد شوية عن البنات فتلاقية بيجرب من غير ما يخاف دة طبعا بيخلي عندة خلفية كويسة مع كتر التكرار والتمرس بيتقدم مستواه بشكل سريع ومتطور جدا
....
انما البنات تلاقيهم وخصوصا الصغيرين في السن بتكسل تاخد العربية و مشاويرها مش كتير ( انا بتكلم عن الاغلبية )
معندهاش الجرأة الكافية عشان تجرب حاجة لاول مرة لوحدها
والستات الكبار تلاقيهم مشاويرهم مقتصرة على الشغل تروح وتيجي واخر النهار لو هتعمل شوبينج او اي مشوار اخر النهار

بالنسبة بقا لعنصر الثقة بالنفس أو التركيز

تلاقي الواحدة دايما وهيا سايقة متضطهدة
شوية من سواق زي الى انا قولت عليه فوق او من ميكروباص
غير نظرات الناس لواحدة بتسوق بتكون نظرات غريبة مش عارف ليه ههههههه
تحس ان الناس بتصور اي واحدة سايقة عربيه

طب قولي ازاي هتكون بتتصرف بطبيعتك وكل الدنيا مراقباك هههههههههههه ومركزة معاك بالشكل الجامد دة

4 عدد الإناث الى بتسوق

قليل جدا بالنسبة للرجالة يعني كل ما تشوف 10 رجالة تشوف واحدة

طيب

يبقا لما واحدة بتغلط معاك في الطريق زي 10 غلطو من الرجالة

يعني عشان هما قليلين فتلاقي غلطاتهم باينة قوي غير العامل النفسي للرجاله تلاقيه يبقا ماشي ورا واحدة بيتصيدلها الاخطاء
ومركز قوي مع اشاراتها ومع انها بتتكلم في التليفون او لا ومين جنبها وياتري حلوة ومشغلة الكاسيت ولا لأ ولو مشغلاه بتسمع اية وفي الاخر ميعجبوش الى بتسمعة برضة سواء كان رومانسي او شعبي او اجنبي هههههه FLASHCar

طب هقولك حاجة
طب اية رايك في سواق يكسر عليك بتوع ميكروباص http://masrmotors.com/vb/images/smilies/12422A%7E17.gif
اية رايك في واحد راكب توكتوك وزنق نفسة عند الرفرف اليمين ورما نفسة قدامكhttp://masrmotors.com/vb/images/smilies/12F099%7E16.gif
اية رايك في عربية نقل تقيل على الدائري لما يشوفك في حارة هو ماشي فيها يديك كلاكس عالي ويقرب منك اكنه هيعدي من عليك ويقلبلك نور لغاية ما توسعله بالعافية :lvly:
اية رايك في عربيات النصر بتاعة المطاحن والعربيات المرسيدس القلاب بتاعة الرمل لما بيزنقوك ولولا الكلاكس والنور مكانوش شافوك اصلا ولو جة قدامك في طريق ضيق يرجعك بضهرك 500 متر لورا ههههههههه
العربيات نقل سوهاج وقنا (الجامبو) الى بتلاقية بيعدي جنبك لو انت ماشي 120 بيعدي من جنبك 160 وبينة وبينك 10 سم
واول ما يعديك يحط نفسة قدامك هههههههههه

كل دة مزعج جدا بالنسبة للرجالة مابالك للستات

ماهي الست بتبقا سايقة في طريق طويل عريض
والى رخم عليها والى فضل واخدها وراه شوية عشان يرضي غرورة
(ماي مش ساعة ما انت شايفها بتبقا لسة مدورة العربية ومستنياك عشان تكسر عليك ) ههههههههههههه

كل دة بيخلي سواقة بعض الستات سيئة للغاية

اما بالنسبة للمواقف الى حصلت معايا شخصيا
http://masrmotors.com/vb/images/smil...d9d%5B1%5D.gif
كنت نازل من على كوبري وفجأه الكوبري وقف

راحت واحدة نازلة خابطاني خبطة كويسة جدا ههههه وكنت مشغل الانتظار وشادد فرامل الييد بس للاسف العربية من شدة الخبطة اتحركت حوال 20 سم ههههههه

طبعا انا كنت بصيت في المراية لاقيت عربية سيات هيا الى خابطاني
وست الي راكباها

نزل وانا جوايا شحنة من الغيظ مالهاش حل

لاقيتها عملت نفسها مغمي عليها هههههههههههههه روحت ضحكت لاني كنت شايفها صاحية في المراية هههههههه

لما ضحكت الموضوع مأخدش الشكل االى كنت نازل بية هههههههه
ولما لاقيتها محترمة اخدت العربية ومشيت بدون كلام ههههههههه

ومرة تانية كنت على دائري المعادي

وواحدة كانت راكبة عربية باصات وكانت ( مخيطة 3 شباب )(فعلا مش لاقي كلمة غير دي اوصف بيها ) http://masrmotors.com/vb/images/smil...3_1%5B1%5D.gif

والشباب كانور راكبين
2 لانسر شارك
1 جولف 4

وانا كان معايا عربية دايو لانوسhttp://masrmotors.com/vb/images/smil...364%5B1%5D.gif بس كانت حلوة جريت واراها عشان اشوف هيا كبيرة ولا صغيرة لاقيتها حوالي 60 سنة ودي كانت احسن واحدة شوفتها بتسوق في حياتي

http://masrmotors.com/vb/images/smil...d9d%5B1%5D.gif
ومن هنا ياريت نعمل تصالح مع الستات الى بتسوق هههه ونعرف انهم معرضين لضغوط وسواقتهم مش قد كدة ونحاول ونفادي اخطائهم ونصبر عليهم شوية
وعلى فكرة دة مش كلام وخلاص

اكيد اي واحد مننا ركن اكتر من مرة لواحدة
وغير اكتر من مرة فرده كاوتش لواحدة
وساعد واحدة كانت فاتحة كبوت العربية وواقفة بتتفرج هههههههه

ودي صورة تبين ان مش المصريين بس هما الى كدة هههههههه
http://www2.0zz0.com/2012/06/04/10/786134564.jpg

ومعلش اني انفجرت في المنتدى هنا بس كان موضوع ممتاز يستحق الرد :lvly:
واسلوب الاعضاء المهذب هو الي شجعني اني اتكلم براحتي كدة
وشكر خاص لصاحب الموضوع ولكل الاعضاء الى ردوا