احذر ضغط الكوتش
 

سؤال مهم في السفر يفضل ظبط الكوتش والعربية غير محملة بشنط السفرو الركاب ولا وهي محملة بالشنط و الركاب؟
اكيد في فرق كبير بين الحالتين فايهما اصح ؟ ولماذا ؟

رد: احذر ضغط الكوتش
 

اكيد و العربية فاضيه اسهل بدل ما تدخل فى متاهة جدول تحميل العربية
خليك قبل السفر بيوم مثلا روح اظبط ضغط الكاوتش عند اقرب واحد من البيت عشان الكاوتش يبقى لسة بارد

و راجع الموضوع دا مهم جدا سبب قوى لموت المصريين : ( ظبط الهوا عند الراجل بتاع الكاوتش )

رد: احذر ضغط الكوتش
 

طيب بعد تحميل السيارة الضغط بيذيد في الكوتش (يختلف علي حسب كمية التحميل). مش المفروض ميذدش عن حد معين (ماهو) وخصوصا لو مسافر في الصيف ظهرا مسافة طويلة . يعني يجب قياس الضغط والعربية محملة للاطمأنان

رد: احذر ضغط الكوتش
 

وجهة نظر سليمة
اعدك بالبحث و الرد

رد: احذر ضغط الكوتش
 

طيب انا راجعت النت لقيت اغلب الكلام على عربيات حمولات
راجعت كتالوج اللانوس عندى لقيت الضغط 32 psi و تحذير انك متحملش العربية اكتر من الحمولة القصوى
راجعت جدول المواصفات لقيت العربية وزنها فاضى 1005 كجم و وزنها 5 راكب بالامتعة لا يزيد عن 1595 كجم
يبقى كدا ال 5 ركاب ( 4 + السواق ) بشنطهم المفروض يكونوا 590 كجم
لو قلنا متوسط الراكب 90 كجم يبقى كدا ال 5 وزنهم = 5 * 90 = 450 كجم
يبقى الامتعة = 590 - 450 = 140 كجم
اكتر من كدا فى خطورة على العربية

اللى فهمته كدا انهم عاملين حسابهم انى لما بظبطها عادى و هى فاضية على 32 يبقى حتستحمل لما احملها الحمولة القصوى على اساس ان منطقى زيى ما انت استنتجت ان ضغط العجل مع التحميل حيزيد
بس هو مبيشغلش بال المستخدم
على اساس انها مش عربية حمولات
فمكتفيين انك لو ظبطت على ال 32 انت كدا فى التمام

غير ان كود التحميل لشركة الكاوتش نفسها حتبقى كاتبة اقصى ضغط للكاوتش و طبعا بيبقى اعلى من 32 بكتيير

فانت ممكن تجرب حاجة للاطمئنان
قبل السفر بيوم روح لبتاع الكاوتش و يكون قريب جدا من البيت عشان الكاوتش يكون لسة بارد
و اظبط على 32
فى يوم السفر حمل العربية و الناس كلها تركب و تروح لنفس الراجل القريب ( مهم جدا متمشيش كتير بالعربية عشان الكاوتش ميسخنش و يخلى قرائات الضغط غير مجدية )
عند الراجل بتاع الكاوتش و الناس كلها راكبة العربية خليه يقيس فقط ( ميغيرش حاجة ) كل عجلة
قارن القرائات بأقصى ضغط يتحمله الاطار
انا متخيل ان الضغط حيبقى ما بين ال 32 و اقصى ضغط للاطار معرفش حيبقى عندك كام كمثال مثلا لو اقصى ضغط للاطار عندك هو 55 فانا متوقع مع الحمولة القصوى الضغط حيبقى بين ال 32 و ال 55 نقول مثلا 45
انما بقى لو لقيت عجلة ضغطها عدى اقصى ضغط يبقى كدا الحمولة مش نافعة
و مش حينفع تقلل الضغط لان كدا خطر جدا جدا ( ممكن الكاوتش يفرقع عكس ما هو متوقع انا عارف )