مصر موتورز مجتمع السيارات - ليه العربية بتتمرجح بيا؟

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - ليه العربية بتتمرجح بيا؟ (https://www.masrmotors.com/vb/showthread.php?t=91262)

ليه العربية بتتمرجح بيا؟

ليه العربية بتتمرجح بيا بس مش جامد يعني باحس انها مش طريق مستفيم كده مع اني مثبت ايديا الاتنين علي الدركسيون من فوق و ماشي مع الطريق؟
انا قلت الناس اللي بتسوق زي المدرب بالاقيه ماسك بايد واحده و ريلاكس رحت قلدته المرجحة زادت اكتر؟
هل دا عيب عربية ولا ايه انا ابتديت اتكسف من سواقتي

و ليه كتير مش عارف اوازن بين الدبرياج و البنزين؟
انا في الطلعة بدوس دبريج للاخر و احط سنة بنزين و اطلع دبرياج
المدرب بيقولي اطلع من الدبرياج بالراحة باطلع بالراحة بس باخد وقت و صوتها بيعلي, لكن لما اشوف واحد عادي بيسوق بيطلع بسرعة, طب ازاي بيطلع بسرعة كدة بالدبرياح؟
دا السواق اللي بيعلمني بيوصل للخامس في 15 ثانية, قي اللي باخدهم انا في الطلوع اصلا؟
هل في تريك او حاجة عشان بجد ابتديت ايئس, يوم اسوق حلو و يوم لا

رد: ليه العربية بتتمرجح بيا؟

من ناحية مرجحة العربيه بيك دا سببها توترك الزائد ومسكك للدريكسون بقوه دا بيخلى العربيه تنحرف عن مسارها فى اى لحظه والمفروض انك ماسك الدريكسيون براحة ايديك الاتنين ومش متبت فيه كأنه هيطر لا انت تمسكه كويس وتهدى نفسك واعتبر ان ايديك مش ماسكه حاجه لكن ديما خليك حاسس انك متحكم فى العربيه
ثانيا موضوع الطلعه دا موضوع بيجى بالتعود والممارسه واحده واحده هتحفظ عربيتك وهتبقى عارف امتا هتبطل وامتا مش لازم تدوس دربرياج والامور دى

رد: ليه العربية بتتمرجح بيا؟

طبعا ما سبق

كلام لا غبار عليه

وإحتمال المرجحة

إما زوايا أو مساعدين

رد: ليه العربية بتتمرجح بيا؟

انا اول ما ابتديت كنت كدة لكن مع التعود و السواقة الكتير حتظبط كل حاجة و ممكن اول مشغل العربية اطلع فى ثانية
الموضوع كلة تعود مش اكتر و عدم التوتر و مش مهم صوت البنزين يعلى المهم مع الوقت يوطى

رد: ليه العربية بتتمرجح بيا؟

ظبط زوايا و رصص العجل و لو عملت الكلام ده و لسه بتعوم يبقى العيب في الاسكترا وكل المشاكل التانية هتتحل انشاء الله بالممارسة