مصر موتورز مجتمع السيارات - (لأول مرة) طريقة تنضيف تلاجة لانوس بدون فك العلبة .. بالشرح التفصيلى والفيديو

بسم الله الرحمن الرحيم

اهداء...

لكل اللى عانوا فى فك علبة التلاجة والسحلة المرافقة لها
لكل اللى ايديهم اتجرحت وهما بيعملوا مراحل تنضيف التلاجة
لكل اللى بيعانى من ضعف التكييف فى عربيتة الانوس
لكل اللى بيعانى من خروج رائحة عفنة فى بداية تشغيل التكييف
لكل اللى بيعانى من وجود رطوبة فى صالون السيارة اثناء عمل التكييف
لكل اللى دفع فلوس لصنايعى التكييف عشان ينضف لة التلاجة
لكل اللى طلع الكرسى اللى جنب السواق ونام على ضهرة واشتغل عميانى لوقت طويل
لكل اللى اتشنج على علبة التلاجة وهو بيطلعها من مكانها وهوة بيقفلها تانى
لكل اللى دواسة عربيتة غرقت مية وهو بينضف التلاجة
لكل اللى كان عاوز ينضف التلاجة بتاعتة ومتخوف

واخيرا اهداء لكل اخواتنا اللى معندهموش فكرة ومفكوش علبة التلاجة قبل كدة

بالنسبة للى متابع الموضوع ومستنية وفاهم فهو مش محتاج شرح
لكن بالنسبة لاخواتنا المبتدئين دة عبارة عن ملف فيديو بالتفصيل الشديد لطريقة تنضيف تلاجة الانوس بدون فك العلبة وفى نصف ساعة وبتكلفة 15ج

وللتوضيح فقط الموضوع دة حتى وقت كتابة هذة الكلمات كان يعتبر مستبعد قوى وغريب ان حد ينضف التلاجة بدون مايفك العلبة والاهم بكفاءة 100%

اسيبكم مع الفيديو

http://www.youtube.com/watch?v=nfTxgKkmufM

الفيديو دة اللى مدتة 40 دقيقة استغرق 14 ساعة عمل بداية من التصوير والمراجعة واعادة التصوير للمشاهد الخاطئة وضبط زوايا الكاميرا والتجارب العملية والمونتاج والرفع

هذ العمل هو لوجة الله تعالى
فقط ان رأيت انك استفدت منة فبرجاء قراءة الفاتحة لوالدتى يرحمها الله بنية ان تكون فى ميزان حسناتها

ملحوظة بالنسبة لادارة المنتدى :
اذا كان الموضوع يستحق التثبيت فبرجاء عدم التثبيت قبل مرور شهرين على الموضوع ودة لأن المواضيع المثبتة محدش بيدخل عليها غير الاعضاء الجدد

ملحوظة بالنسبة للاخوة الاعضاء :
انا بالامانة معرفش اية العربيات اللى بتشترك مع الانوس فى نفس فكرة عدم وجود فلتر هواء فى التكييف فلو حد من الاعضاء يعرف انواع العربيات دى ومتأكد من اشتراكة مع الانوس فى نفس العيب فبرجاء يذكرها عشان اروح القسم بتاعها واحط الموضوع هناك للتسهيل على الناس

وبالتوفيق للجميع