|
ما هي الاضرار التي لحقت بك جراء هذه الثورة ..؟؟
السلام عليكم ورحمة الله وبركاته
بعد ثورة 25 يناير المستمره حتى الان والاعمال التخريبية من بعض البلطجية ووقف في عمل كثير من الموظفين العاملين بشركات سواء وطنية او جنبية وتسريح كثير من العمال ..وتخفيض للمرتبات والغاء الحوافز ...الخ وسقوط البورصه المصرية والاقتصاد المصري والسياحه ... ما هي الاضرار التي لحقت بك جراء هذه الثورة ..؟؟ سائلين الله تعويض كل خاسر او متضرر ... |
رد: ما هي الاضرار التي لحقت بك جراء هذه الثورة ..؟؟
بالنسبالى مهما كانت الأضرار لا تساوى دعوه مظلوم
مهما كانت الاضرار لا تساوى كميه الفساد والسرقه لا تساوى كميه الفقر والبطاله والامراض والعشواءيات لو درست تاريخ الشعوب المتحرره هتلاقى ثورات الشعوب لا تقدر بثمن إحنا فى إستعمار بس داخلى يامواطن. . |
رد: ما هي الاضرار التي لحقت بك جراء هذه الثورة ..؟؟
شكرا ليك ياعمرو على طرح الموضوع ده واظن ان محدش هيزعل ابدا على حاجه خسرها مادام الثوره حققت مطالبها اللى كلنا كنا بنحلم بيها من زمان لحد ماحصلت وتمت بفضل الله وشباب ورجاله مصر .
اما عن الخساير الماديه اللى حصلت نحمد الله على كل شىء اولا واخيرا واهم الخسائر اللى عند كل الناس هى وقف الحال وحركه الركود طوال 10 ايام متتاليه وهو شىء الواحد مش متعود عليه فى شغله بس انا عندى اهم من الشغل هى البورصه اللى التداول وقف فيها لكن نحمد الله على كل شىء وكل شىء يهون فى سبيل اللى ذكرته فى البدايه وشكرا على موضوعك الجميل واتمنى ان ميكنش حد خسر خساره تزعله او توقف حاله |
رد: ما هي الاضرار التي لحقت بك جراء هذه الثورة ..؟؟
اقتباس:
بس انا كان قصدي على كل فرد خسر ايه ..غير المكاسب السياسية العامه ..يعني فيه ناس اتسرحت وعليها اقساط ناس عليها شيكات ومفيش شغل وبيوت اتخربت ... ومرتبات قلت وحوافز اللي كان الغلبان مستنيها اتلغت وغيرها الكتير ..اتمنى تكون وجهة نظري وصت |
رد: ما هي الاضرار التي لحقت بك جراء هذه الثورة ..؟؟
الأضرار شعور بإحباط إنى ماشاركتش بأى شكل فى الثورة |
| الساعة الآن 03:50 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017