استفسار عن الجيتا
 

السلام عليكم ...... ارجو من الاعضاء الكرام فى المنتدى الرائع ده فعلا الى شامل كل شئ عن السيارت والاعضاء الى عندهم خبره كبيره بجد مساعدتى فى استفسار ضعير..
انا معايا جيتا 2008 1600 سى سى 102 حصان كنت عاوز ارفع الهورس باور 120 بس يا ترى ممكن من غير اى اضرار علما بان الفارق بسيط 18 او 20 حصان بحيث انها تبقا فى نفس قوة وسحب الباسات tsi بس ولو ممكن ازاى وفين والتكلفه تبقا كام ولو هيبقا فيه اضرار هتبقى ايه لو بسيطه وممكن تتعالج ..... ارجو الرد

رد: استفسار عن الجيتا
 

الاول فى حاجة مهمة حضرتك لازم تعرفها هى ان القانون بيسمح بتزويد قدرة المحرك بنسبة معينة بس انا معرفش فى مصر قد اية؟؟ بس على المستوى الدولى مسموح ب 20% فقط من قدرة المحرك .. اسأل الاول الجهات المختصة فى مصر عشان الحكاية دى ممكن تعملك مشكلة فى الفحص و لو عربيتك فى الضمان هتخرجها من الضمان
اسأل و رد عليا و انا ان شاء اللة افيدك

رد: استفسار عن الجيتا
 

يا باشا مع القانون مفيش مشكله عشان مفيش قانون فى مصر اصلا كلو بيمشى بالجنيه ...طيب يا ريت تقولى ازاى اقدر اعملها

رد: استفسار عن الجيتا
 

شوف دى حاجة انت مش هتعرف تعملها بايدك لان فى قطعة ( مش عارف اسمها اية بالعربى ) بتطلع من CPU بتاع العربية هى بتبقى شبة المشط كدة ( CHIP ) دى بيتعاد برمجتها من تانى و لها جهاز خاص لكن هقولك حاجة .. افتح كبود العربية هتلاقى فى حتة معدن متثبتة فى جسم العربية اللى عليها الاكواد الخاصة بالعربية هتلاقى فيهم خانة مكتوب فيها type و هتلاقى قدامها ٣ حروف دول الكود الخاص بالمحرك عشان الفولكس ممكن تلاقى فيها كذا عربية من نفس الموديل و نفس السعة اللترية لكن كود الماتور مختلف على حسب ال options اللى موجود فى المحرك او المقصورة وهما ٣ حروف و من اشهر افضل محركات الفولكس AVF-AWX-BLS-AFN و هكذا
قولى الكود عندك اية عشان اقدر افيدك

رد: استفسار عن الجيتا
 

طيب يا ريت تقولى مين بيعمل الشغل ده فى مصر ويكون عنده خبره عشان ما يخربها وهل الى انت بتقول عليه ده ليه اضرار ولا لا ...... ياريت الرد من الاعضاء