اية رايكو فى نوع الفريون دة R12
 

اية رايكو
وازاى عارف التكييف بتاعي عايز كام كيلو فريون

رد: اية رايكو فى نوع الفريون دة R12
 

اية يا شباب
انا كنت هاسال نفس السؤال
وهاضيف علية ضغط الفريون المناسب للعربية اللانوس كام؟
ياريت تلحقونا بالرد

رد: اية رايكو فى نوع الفريون دة R12
 

افتح الكبوت وهتلاقى علامة معدنية مربعة, مكتوب عليها نوع الفريون اللي المفروض تشحن بيه.
والكمية الي محتاجها

انا عربيتي بتاخد 550 جرام , الله اعلم عندك هتاخد كام.

رد: اية رايكو فى نوع الفريون دة R12
 

بسم الله الرحمن الرحيم
السيارات الحديثه 1998 فما فوق الكمبريسور بيشتغل و متصمم انه يعمل علي فريون 134 و الضغط و العربية سلانسية و الكمبريسور شغال و المروحه علي العلي درجه المفروض يكون الضغط علي ماسورة الراجع من 30 الي 40 بي اس اي يعني الافضل 35 psi و ده هيديك افضل تبريد و مش هيكزن فيه حمل علي البلوف بتاعة الكمبريسور
ممكن لو العربية اقدم من 1998 انك تحط برضه فريون 134 بس هيديك تبريد اقل

لو العربية مفيش فيها فريون خالص يبقي هتحتاج تزود الكمبريسور زيت تبريد و كمان هتحتاج تشحن هواء عادي الاول و تسيبه و تقيس بعد فترة علشان تعرف التسرب

لو العربية فاضية فريون خالص نتيجه لتغيير الكمبريسور او الخراطيم او المكثف او الثلاجه و ظبطت الحاجه اللي كانت بايظة يبقي قبل الشحن هتحتاج تعمل فاكيوم vacum او تفريغ المواسير من الهوا و ده علشان بخار الماء الموجود في الهواء داخل المواسير مايعملش تلج و يسد الدورة اثناء التشغيلو الفاكيوم ده بتعمله عن طريق موتور فاكيوم او انك تشغل الكمبريسور علي الفاضي لمدة 10 دقايق و انتا فاتح صمام خرطوم الضغط و تقفله قبل ما تطفي الكمبريسور علشان الهوا مايدخلش تاني

معظم النصايح دي عن تجارب شخصية و انا اللي بشحن عربيتي بنفسي انا اشتريت 3 خراطيم و عدادين و كيلو فريون 134 و شحنت التكييف من 6 شهور كده علشان كنت غيرت المكثف و الحمد لله العربية لغاية دلوقت بتجيب لي برد لما اشغل التكييف
هههههههههه
م - سامح ليله

رد: اية رايكو فى نوع الفريون دة R12
 

كلامك جميل يا باشمهندس سامح
ياريت تفيدنا بالاسعار بتاعة الفريون والعدادات واماكن شراها
انا بافكر بالظبط في اللي حضرتك عملتة
ومش عارف ابتدي منين