| ابوجهاد |
25-01-2012 12:03 PM |
قصه متعبه وسؤال لاهل الخبره
اولا ارجو من الله ان لا يمر احد بما مررت به ليله امس
كنت في طريقي لزياره خالي في عين شمس وان اسكن في فيصل وتحركت من فيصل بعد تاديه صلاه المغرب واخذت الطريق الدائري بتاع السلام وكان معي الاولاد وكان الطريق شديد الزحام لدرجه انني اخذت وقت من المحور الي نزله قليوب في 3 ساعات ونصف وقبل نزله قليوب بدا وقت الرعب والتعب العربيه بطلت لوحدها وكان الليل كسا بظلماته والمطر شديد وكنت اسير في اليسار وحاولت مرارا وتكرارا ان ادور العربيه وهي حالفه بر اس ابوها ماتنطق ولا حتي في صوت للمرش واشتد القلق واخذت استعمل خبرتي المحدوده واكشف علي الفيوزات دو جدوي وجاء سائق سياره نقل وقال لي اسحبك لاي مكان قلتله ياريت لحد السلام او الحرفيين وطبعا الاتصالات بدات بيني وبين الاقارب وقالولي هنجيب كهربائي ونجيلك وطبعا الدنيا ليل والمطر شديد المهم سئق النقل جر العربيه وبعد حوالي 2 كيلو الحبل اتقطع وهو ما خدش باله وسحب وربنا سترها الواحد لا شايف من الزجاج ولا في انوار وجالي احساس سريع ان حد يخبط في من الخلف ولكن ربك موجود وركنت بدفع السحب واطينت طبعا مطر عل تراب وليل وحاجه سودا خالص المهم اتصلت بواحد صديق لي ساكن قريب في مكان يسمي ام بيومي بس طلعت عربيته بيعملها تجديد المهم الرجل جالي مواصلات وكانت السعه حوالي 12 بالليل وملقناش عربيه تشدنا المهم زقناها مسافه طيله ونزلنا بيها من علي الدائري وقلنا نحطها في جراج هو يعرفه وبعدين النهار ليه عنين طبعا ما خبيش عليكو الواحد كانت اعصابه شكلها ازاي معاك الاولاد والوقت اتاخر والدنيا ليل ومطر وسواد وما ادراكم من الحراميه علي الدائري المهم دخلناها الجراج وبعدين لقيت تاكسي جي يجرج اتحايلت عليه انه يوصلنا فيصل بالعافيه رضي وقالي اخد50 جنيه قلتله خد 60 وجيت اقفل الزاج لقيت الكهربا مش مساعده طبعا البطاريه جافه وانا دايما شايل معايا كبلات توصيل قلتله اديني توصيله لعل وعسي تدور او اقفل الزجاج وعنده حصلت المعجزه يا الله العربيه دارت من اول تكه طيب منا اقعدت ارميلها وادورها زق ما درتش خالص لكن الحمد لله . بطل دور بطل ودور زي الفل ينهار ابيض اومال كان في ايه علشان العذاب ده كله المهم اديت سواق التاكسي ال فيه النصيب ورجعت علي فيصل وكانت دخات في الساعه 2ونصف وطبعا مكناش اكلنا وهدومي كلها طين والدنيا هباب رحت جايب فرخه مشويه وشويت جمبري واتغدينا واتعشينا وشربت الشاي ورحت مدلوق علي السرير من التعب والارهاق وربنا اكرمني قمت صليت الفجر ودورت العربيه لقيتها زي الفل والحمد لله اسف جدا جدا علي الاطاله . السؤال مين يقدر يقولي ايه ال حصل في العربيه مع العلم ان البطاريه جافه ومن ساعت ما جبت العربيه من حوالي 3 شهور عمرها ماعملت حاجه معايا والسياره نوبيرا 2003؟
|
