مصر موتورز مجتمع السيارات - تجربتي مع تحويل الشاهين من انجكشن الي كاربراتير عاده بالصور

مصر موتورز مجتمع السيارات (https://www.masrmotors.com/vb/index.php)

- شاهين ، ريجاتا ، دوجان (https://www.masrmotors.com/vb/forumdisplay.php?f=195)

رد: تجربتي مع تحويل الشاهين من انجكشن الي كاربراتير عاده بالصور

لو ممكن بس المشرف الغالي يضيفلنا الملاحظات والتقيم مع الموضوع في الصفحة الرئيسية

رد: تجربة ممتازة ومنتظرين النتائج ، موفق بإذن الله

اقتباس:

المشاركة الأصلية كتبت بواسطة الهاك الصغير (المشاركة 734913)

أولا الموبينة في منها موبينة الكتروني او جافة وفي منها موبينة عادة حضرتك شوف الصورة وقارن لو هيا او لاء ثانيا انا كان اتعملي تخفيض بسيط لاني كان معايا واحد معرفه

وبالنسبة للكربراتير علي حظي كان لسه جاي ماتور تيمبرا وحليته من عليه وده مش بيحصل كتير

وبالنسبة للزيت لاني ماكنتش بغسل العربية علشان اللوحة ماتضربش لكن دلوقتي هغسلها غسله كويسه

واكيد انا لسه هتابع مع الميكانيكي مع انه مشهور انه كويس جدا وغالي يعني شغله نضيف

ماتزعلش منى ، الشغل كويس جدا مفيش غلطة
الموبينة الHPC دى انا عارفها زى اسمى بالظبط
وعارف ان فيه منها نوعين عادة واليكترونى وفرق السعر بسيط بينهم
اللى عندك دى اليكترونى وخلى بالك لازم لها كوندينسر عالى علشان الأبلاتين مايلدعش بسرعه لأنها المفروض على مشط اليكترونى
وبرضو احنا هنا فى القاهرة ونتوا عندكوا قطع الغيار اغلى اكيد
يعنى الكربراتير ممكن تجيبه ب 350 والمانيفولد ب 100 ، عادى برضو

اهم حاجة للصنايعيى ميكونش بيخلى العيال الصغيرة هما اللى يشتغلوا فى العربية
وكله على حس الشهرة

الف مبروك على التعديل ومنتظرين النتايج بإذن الله
وبحيي حضرتك على إختيارك للنظام العادة لأنه ملموم فى شغله عن الإليكترونى ، وكله بيمشى العربية فى الآخر :120105~352:
تقبل تحياتى

رد: تجربتي مع تحويل الشاهين من انجكشن الي كاربراتير عاده بالصور

مستر هاك الطائر
انا من طنطا
وعارف رمضان فلوطه جداااا
لانه كان تحت بيتى القديم
هو دماغه بنت لذينه
لكن فى الفلوس حراق حبتين
وانا اخر مره عملت عنده شغل كان من سنتين تقريبا
ومستر هشام الجزار عارف كان ايه الشغل
العربيه قطعت سير كاتينه ودبسنى فى وش سلندر استعمال من عنده و ضحك عليا وغير الكامات اللى عندى وجابلى كامات مبوشه كانت مبهدله الموتور على الاخر وبتخلى العربيه تسك وهى ماشيه والزيت بينقص
الحمد لله اتعرفت على ميكانيكى تمام وشغله نضيف وعلى الهادى جنب شغل والدى وهو دماغه حلوه وتقدر تضغط عليه شويه فى الحساب
ومحمد فتحى استاذ لكن ساب القديم من زمان ودلوقتى بقى شغال فى الجديد والبى ام والمرسيدس
واذا كنت حضرتك عاوز تظبط العربيه اكتر وتخلى اداء العربيه عالى واحسن من الانجكشين
كلمنى وانا اقابل حضرتك والحمد لله انا اعرف ناس ميكانيكه كتيير فى طنطا استاذه وفنانين
دا رقمى لو تحب كلمنى وان شاء الله نتقابل
01019510910

رد: تجربة ممتازة ومنتظرين النتائج ، موفق بإذن الله

اقتباس:

المشاركة الأصلية كتبت بواسطة Hisham.Elgazzar (المشاركة 734921)

حضرتك مافيش زعل ولا حاجه
بس حضرتك عرفت منين ان اللي عندي دي اليكتروني انا جايبها علي انها عاده علشان جبت اسبراتير عاده
وطبعا في فرق كبير في السعر عندنا وعندكم انا كنت بتناقش مع التاجر علي الكاربراتير قالي عاوزه خده مش عاوزه سيبه وطبعا مافيش غيره روحت لمكان تاني قالي مابابعش الكربراتير لاني بركبه علي السيينا والشاهين والتمبرا
غير كده الصنايعي ده شغال بإيده شخصيا وغير كده معاه ولاده 30 سنه مافيش حد صغير عنده

والله يبارك في حضرتك

رد: تجربتي مع تحويل الشاهين من انجكشن الي كاربراتير عاده بالصور

اقتباس:

المشاركة الأصلية كتبت بواسطة محمدصلاح القاضى (المشاركة 734940)

أولا شكرا لسيادتك بس هوضح نقطه
اولا فعلا سمعته انه حراق ودي سمعتها من كذا واحد لما عرفوا اني هقلب عنده
لكن انا سألت عند كذا واحد قالولي مصنعية 100 لكن حسيت ان مش عندهم خبره كافيه
لكن عند رمضان 150 مش مشكله زياده 50 جنيه في حين ان في ناس كتير جدا حولوا عنده

فأنا اختارته للتحويل بس ودي كانت اول مره اتعامل معاه لكن طبعا في ميكانيكيه كويسن كتير ممكن ابقي اظبط عندهم
وان شاء الله ابقي اكلم حضرتك ونتقابل بس اديني فرصه لحد مااجرب العربية اكتر لاني لسه محولها امبارح بس ولسه اكيد هرجعله اكمل عنده تظبيط