مصر موتورز مجتمع السيارات - تقرير عن البرايد سايبا

http://img207.imageshack.us/img207/2637/scan0001mx0.jpg

فى الاول بشكر كل الاعضاء اللى شركونى فى التقرير
1- ابونورا 2- سومو 3- نور بيجو 4- لانسر استيل

بجد كلهم فى غايه الذوق و الاخلاق العاليه رنا يديم المحبه يارب
نيجى بقى للعربيه سايبا برايد و هيه خليفه الكيا برايد الكوريه الاصل احب اتكلم فى الاول عن البرايد الكورى قبل الكلام عن السايبا الايرانى خليفتها

البرايد الكورى اللى لقيت رواج كبير فى مصر نتيجه سعرها الجيد و رخص قطع غيارها و ايضا اعتماديتها بالنسبه لسياره فى هذه الفئه السعريه الجيده اللى كانت و قتها بحوالى 30 الى 35 الف جنيه

و كانت البرايد الكورى بتمتاز بموتور 1100 سى سىموجود فى النسخه الهاتش باك و موتور 1300 سى سى مكيف الهواء و بصراحه عربيه كانت جيده جدا جدا بالنسبه للسعر اللى كان جيد جدا و كانت عفشتها بتمتاز بالنعومه و الثبات فى الهاتش باك فقط لكنها اديت اداء جيد فى الشوارع المصريه يعنى ممكن نقل انها تستحمل الشارع المصرى لحد 60 الف كيلو باستخدام جيد و دى نسبه جيده من وجهه نظرى لعربيه سعرها 30 الف و ايضا العفشه بتعها كلها على بعضها بحوالى 1000 جنيه ببلى العجل يعنى مافيش اوفر من كده

نيجى بقى للبرايد سايبا و هيه هيه البرايد الكورى لكن من خط انتاج ايرانى و و ليس كورى و قاموا بعمل تغيير بسيط فى الشكل الخارجى من حيث الفوانيس و الالاكصدمات

من جهه الموتور قاموا بوضع الموتور ال1300 لكن اضافوا عليه نظام الحقن الالكترونى (الانجيكشن ) و العفشه هيه هيه

نبتدى بقى بتشريح العربيه الايرانى

من حيث الموتور

زى ما قولنا هو الموتور ال1300 لكن اضافوا انجيكشن لكن بمجرد النظر الى غرفه المحرك تنتابك حاله من الغثيان ما فيش ترتيب

غطاء التكيهات كان فى البرايد الكورى لونه فضى املس الملمس لكن فى السايبا فضى فقط لكن ملمسه سيى للغايه تحس انهم راشينه فى الشارع حاجه سيئه للغايه

الاداء ما اقدرش احكم عليه بصراحه بيقولوا انها 62 حصان عند 5500 اربى ام مش بطال اداء يعتبر جيد

اخر حاجه و اللى محدش واخد باله منها انها 1323 يعنى دخلت فى شريحه الضريبه العاليه و دى طبعا نقطه سلبيه ليها يعنى ال23 سى سى دول هايخلوها وحش كاسر بالتالى هايكون عليها ضرايب ال1600 و انت بموتور 1300 ارجوا من الجميع الانتباه لهذه النقطه

نيجى للعقشه بقى زى ما قولت قبل كده انها هيه هيه العفشه القديمه لكن من ايران مش من كوريا بصراحه واحد قريبى كان جايب العربيه دى بس لما كان عليها الموتور الكاربيراتر ما فيش 15 الف و كان مغير طقم بلى للعجل بجد حرام ياريت يبكونوا قاموا بتعديل عليها (ما اظنش )

التقفيل الخارجى
1- من الصعب انك تلاقى فواصل الكبوت و الرفارف متساويه مل نحيه بشكل
2- الابواب مفارقه جامد جدا عن جسم السياره
3- كان فى عربيه فيها صداء (حرام )
4- بصراحه من الصعب انك تلاقى عربيتيين متفقين مع بعض فى الفروق الخارجيه كل واحده براحتها على الاخر <o:p></o:p>
5- عربيه العرض كان الكبوت بتعها فيه خبطه

نيجى بقى للتقفيل الداخلى

هما غيروا الفرش الداخلى عن البرايد و بصراحه شكله افضل بكتير لكن خاماته سيئه جدا جدا جدا و فروق التركيب واضحه بشده
1- التابلوه غيروه و شكله احسن بكتير
2- الفرش زى ما قولنا شكله حلو لكن خاماته سيئه للغايه
3- زرار فتح الشنطه موجود بجوار عجله القياده (مافيش مشكله )لكن تلاقى مكانه القديم فى ارضيه العربيه موجود زى ماهوه و تيجى تفتح منه الشنه ما تتفتحش طبعا علشان لاغينه طيب مدام لاغينه ما تشيلوه خالص (تمويه للحرامى )
4- السلوك تايهه فى العربيه لقيت لفه سلوك واقعه على دواسه الدبرياج بسؤال ابونورا قالى دى عادى موجوده فى كل الايرانى

معلش ان تعبت و بصراحه حرام ادفع فيها المبلغ اللى هو 50 الف حرام جدا جدا الادا برقبتها

نبجى للصور بقى
وحوش مصر موتورز
http://i301.photobucket.com/albums/n...e/100_1132.jpg

فرق الشنطه واضح
http://i301.photobucket.com/albums/n...e/100_1133.jpg

نفس الكلام فى الكبوت
http://i301.photobucket.com/albums/n...e/100_1134.jpg

http://i301.photobucket.com/albums/n...e/100_1135.jpg

الابواب
http://i301.photobucket.com/albums/n...e/100_1136.jpg

http://i301.photobucket.com/albums/n...e/100_1137.jpg

http://i301.photobucket.com/albums/n...e/100_1139.jpg

جلد الزجاج مش متساوى

http://i301.photobucket.com/albums/n...e/100_1138.jpg

http://i301.photobucket.com/albums/n...e/100_1141.jpg

الموتور

http://i301.photobucket.com/albums/n...e/100_1143.jpg

الفرش الداخلى

http://i301.photobucket.com/albums/n...e/100_1144.jpg