رد: هل هذا صحيح مع زيت الفرامل
 

أنا شفت العملية دى على النت بتاع تغير الزيت وأستخراج وش الهواء. وعرفت أزاى بتحصل ولكن لاحظت أنهم بيستخدموا أنبوب بلاستيك شفاف ويحطوه فى بلف إخارج الهواء اللى بيكون موجود عند كل عجلة وبيكون فى واحد بيكرك الفرامل ووجدت الزيت بيطلع فى الأنبوبة الشفافة لحد ما يخرج خالص ويبدأ اللون الأصفر الجديد يظهر فيغلق الميكانيكى البلف بالمفتاع البلدى. هى طريقة سهلة ولكن مش عارف ليه الأثنين اللى سألتهم محدش حب يعملها. يمكن لانهم بيعملوا فى العربيات القديمة بس.

هل تغير الزيت الفرامل فى العربيات القديمة زى الفيات والبيجو وكدة بيتغيروا بطريقة مختلفة عن تغير الزيت فى العربيات الحديثة؟

رد: هل هذا صحيح مع زيت الفرامل
 

مين ده الى ندعيله بزيارة الكعبة المشرفة وانه ربنا يسترها معاه دينا وآخره

اللى يشرح موضوع تنظيف دورة زيت الفرامل ووضع زيت جديد

دون الاستعانه بأحد او بشخص

مش تعليق

عايزين شرح مترتب والعربية قديمة مش جديدة

وربنا يبارك فيكم جميعا

رد: هل هذا صحيح مع زيت الفرامل
 

بص هو صعب تكون لوحدك بس أنا ممكن اقول لك حاجة شفتها على الأنترنت بالبحث حول الموضوع دة///

أولا تفرغ عبوة زيت الفرامل من الزيت تماما وتحط الزيت الجديد بحيث تملئ القربة بتا ع الزيت تماما.


ثانيا/ أنت عارف الجهاز بتاع نقل الجلوكوز والدم. أنت تاخد منه حته زى نص متر. وتجيب حقنة 20 سنتى مثلا وتحط فهوه الحقنة فى الخرطوم من ناحية والناحية الثانية تحط فهوه الخرطوم فلا بلف الفايز اللى بيكون فوق خزانة الفرامل للعحلة الخلفية خلف السواق. وتفتح بمفتاح بلدى البلف بتاع أستخراج الهواء وتبدأ تسحب وتشد لغاية ما تملئ الحقنة.

طبعا لو أتملت الحقنة تقفل البلف بالمفتاح وتخرج الحقنة وترمى الزيت وبعدين ترجعها تانى وتفتح البلف من جديد وتكمل. وتفضل تعمل كدة لحد ما تلاقى لون الزيت باين فى الخرطوم الشفاف بتاع الكلوكوز. تروح قافل البلف تمام كده

روح على العجلة التانية الخلفية وكرر الحكاية وبعيدن العجل الامامى لحد ما تخلص الأربع عجلات.

طبعا كل شوية تشوف قربة الزيت وأنت بتشد بالحقنة لان ممكن الزيت فى القربة تخلص ومش تاخد بالك وتضيع كل اللى عملته. كل شوية شوف القربة وزود الزيت للاخر لحد ما تخلص وتروح تضبط على علامة MAX

الطريقة اللى قلت لك عليها مش عارف تنفع ولا لا لانى مش عارف هل كل العربيات البلف اللى موجود فى العجلة ينفع يدخل فيه خرطوم الكلوكوز. ممكن تجرب تشوف هيدخل ولا لا قبل ما تعمل حاجة.... أنا شخصيا مش جربت ولكن نفسى اجرب الطريقة دى......

رد: هل هذا صحيح مع زيت الفرامل
 

شوف يا باشا الموضوع ده عند طريقة تغيير زيت الفرامل بالكامل بالصور الموضوع مقتبس من المهندس عصام غنايم
ربنا يبارك له وأدعو له بالستر والعافية فى الدنيا والأخرة وسعة الرزق

http://www.masrmotors.com/vb/showthread.php?t=27375