مصر موتورز مجتمع السيارات - اغرب موقف فى حياتى !! تبا لكوبرى اكتوبر !!

السلام عليكم يا اهل مصر موتورز الكرام !! :fun_36_3_11[1]:

حصلى امبارح اغرب موضوع ف حياتى فعلا .. و تقريبا هو نحس منى او غباء مالاخرين و الله اعلم :ROFL_C~118:

امبارح كنت مع واحد صحبى فى عربيته البى ام دبليو e36 الجديدة الشهيرة بالدبانة ..بنوصله المهندسين و احنا كنا فى مدينة نصر المهم
طلعنا على اكتوبر و مشين على 100 و صحبى راح مزود بنزين و بياخد ملفات الكبرى الحادة على 120 و لا همة ( بيجرب الثبات ) و لا حاسس بأى حاجة ولا الهوا ( بى ام بأه ما شاء الله ) و حيث انها بجانط 17/225 على 40 .. قبل مكتب البريد و بياخد الملف على 120 تقريبا و فجاة ..... تاااااااااااااااااك !!!

لبسنا حفرة ملعونة ... انا : استنا كدة اسمع .. صحبى اللى سائق : يا نهاااااااااااار !! العجلة نامت , و دجدجدجدجدجدجدجدجدجدجدج ( صوت العجلة :w6w2005041122053268)

ركنا على جنب ... انا ربنا يستر عالجنط ( لانى من اصحاب الجنوط ال 17 و عارف :070104~242: )
انا : هات يبنى الاستبن ..
صحبى : :w6w2005041122053268
انا : فى ايه يبنى هات الاستبن و الكوريك
صحبى : :w6w2005041122053268
انا : ايه ؟! متقولش ؟! لا لا لا !!! متهرجش !!! احنا فوق اكتوبر و الساعة 3 بليل !! مفيش استبن .... و الجديد ان مفيش كوريك بردو .. و المشكلة ان ابعادها 5*120 ... ماعهوش الا مفتاح صليبة ... كنت عايز اقوله حطه ف .. جيبك :w6w2005041122053268
المهم نعمل ايه نعمل ايه !! مفيش .. اتصل يبنى بالنجدة بتاعت الكوبرى تيجى تشدنا ( طبعا كانت احلام مواطن وطنى جدا و فاكر انه فى نيو يورك و ان فيه حد اصلا هيعبره و ان الشرطة فى خدمة الشعب والهبل دة !! )

اتصل يبنى بالنجدة ...
الو ايوة حضرتك انا واقف العجلة فرقعت منى على اكتوبر قبل البريد و كنت عايش ونش يجى يشدنى .. اتصل ب 133 تقريبا ولا مش فاكر .. اتصلت .. حضرتك انا واقف على اكتوبر و..الخ .. اتصل حضرتك ب 010....... دول مين حضرتك .. دول نجدة الطرق .. اتصلت .. حضرتك انا واقف فى ..الخ , حاضر هعمل بلاغ لاسم الموسكى يبعتوا لحضرتك عربية ان شاء الله ... انا : الف الف الف مسكن عرب و جراج ..

ربع , نص , ساعة , ساعة و نص , الفجر اذن .. اتصل يبنى شوف الناس دى

متابع ..