مصر موتورز مجتمع السيارات - ضبط الكهربا و الكربراتير ... أيهما أولاً

السلام عليكم
كان عندى تعتيل فى الدوارة و رجرجه غير منتظمة فى المكنه بعد ضبط الكربراتير و الكهرباء عند متخصص كربراتير و ميكانيكى أستاذ إسبراتير, و كذا مرة, و برضه فى حاجه مش مضبوطه.

المهم قولت النهارده أجازة (شم الفسيخ), و مش هأخرج و لا أتفسح , و لا بأحب الرنجه و الفسيخ و الـ..... , يبقى نشوف أيه حكاية زوبه

نضفت الحوض بتاع العربية بالجاز فقط, و بعدين نضفت فلتر الهوا, و فلتر البنزين جديد (من أسبوع), و نضفت الكربراتير من جوه بالمنظف. و بالمرة نضفت البوجيهات.

قولت أضبط الكربراتير,قفلت مسمار السلانسية للآخر(علشان يبقى صفر), و قفلت مسمار الهواء للآخر و رجعت فتحته مرتين و نصف.
حاولت أضبط البنزين بس أول ما الموتور يبقى هيبطل أروح فاتحه لفه كامله, و برضه يفضل الموتور يرجرج كل 3 ثوانى.
جه بالصدفه ميكانيكى جارنا, بس متخانق معاه :fun_10_1_124[1]:, المهم لاقانى شغال طلب مفتاح من العده, قولتله أهو و سألته المكنه بتترج ليه؟
راح جايب مفتاح 13 و حرك الإسبراتير فى إتجاه الريداتير, إتضبطت و الرجرجه راحت.
طلعت أجرب, السحب زى الزفت و السرعة مبقتش بتعدى الـ 80 بالعااااااااااااااااااافي ه.
قعدت أأقدم و أخر كهربا, طبعاً صوت المكنه بتختلف و يطلع دخان أسود (بنزين زياده و تترجرج لما أبطل العربيه - يعنى كهربا زياده) أو ( الصوت هادى و السلانسية واطى و السحب زى الزفت)

المهم أنا دلوقتى بقى عندى 3 متغيرات, عاوز أثبت 2 علشان أضبط الثالث
عندى مسمار الهوا
و البنزين
و الإسبراتير

مين إللى المفروض يتضبط الأول, و نضبط اللى بعده عليه؟
ثانياً: هل المفروض عند ضبط الكربراتير العربية تكون بارده تماماً , و عند ضبط الإسبراتير تكون سخنه؟

أعتقد إن الإسبراتير لو إتضبط و هيا العربية سخنه مستواه هيقل شويه (الكهربا هتآخر) لما تكون العربيه بارده و ده ممكن يعاكس فى الدوارة الصبح مثلاً.

منتظر ردودكم بفارع الصبر :Wkiss5:
جزاكم الله خيراً