افضل سيارة اقتصادية مستعملة فى رينج 50 - 60
 

السلام عليكم

هدخل في الموضوع علي طول، انا عندي عربية 132 مو 73 ptmnlo123per1127

و بفكر اغير بقي لحسن الظاهر مش هيتبقي غيري سايق 132 ...

و كمان خايف من قانون الاحلال بعدين الاقي نفسي انا و عزيزة (عربيتي !!) في الشارع...

كنت عايز اعرف لو بعت العربية هتجبلي كام..و انا بادور علي مستعمل في حدود 50-70 الف...

يعني لو 50 هيبقي افضل بس كل ماتزيد هتبقي اصعب عليا...بس اخري 70 الف جنيه...

نفسي ف عربية تكون مو 2005 فيما فوق و تكون موفرة ف البنزين و فيها كل الكماليات اللي انا محروم منها...و طبعا قطع غيارها في الحنين...

و انا مش بتاع سواقة سريعة و غرز و كده...

انا كنت فكرت في نوبيرا و لانوس و ماتريكس و لانسر ( فيرنا لأأأأأأ)

برجاء الافادة...

و شكرا لاهتمامكم

رد: القاهرة
 

اهلا و سهلا بيك
يصعب عليا اوي ان زمن ال 132 يعدي :(
و يتقال عليها نفس الكلام اللي كنا بنقوله عن ال 1300 من 20 سنه
بس يالا دوام الحال من المحال.
بالنسبه للمبلغ بتاع حضرتك ممكن تشتري لانسر مكواه موديل 2003 نضيفه جدا
و فابريكه بره و جوه و شاذه ب 65 الف جنيه
و ممكن اقل من كده كمان لو حالتها مش نمره واحد
و ممكن تجيب لانسر كريستاله نفس الحاله موديل 98 ب 50 الف او ازيد شويه.
دول العربيتين الناسبين ليك علشان ما تحسش انك نزلت من ال 132 و ركبت عربيات اصغر منها اوي.
عندك كمان تويوتا كورولا موديل 2003 ممكن تعمل في نفس الحدود ال70 الف او اعلي شويه
.........
بالنسبه لل 132 لو جابت 10 او 12 الف جنيه بيعها و ما تترددش
و رحم الله رجلا سمحا اذا باع و اذا اشتري
لما حتبقي سمح في البيع و تعرف المشتري بكل عيوب العربيه
ربنا حيكرمك بعربيه ممتازه ان شاء الله و صدقني

رد: افضل سيارة اقتصادية مستعملة فى رينج 50 - 60
 

اشكرك جدا يا استاذ حازم علي سرعة ردك...و لو انك صدمتني ...

انا كان عندي امل تجيب 15 الف :cry2W9:

طب علي كده لو بعتها كمان 5-6 شهور هترخص اكتر ؟؟

راجع نفسك ارجوك ... بلاش تحطمني اكتر من كده ههههههههههههههه ( انا بهزر)

طب بالنسبة للماتريكس ايه الوضع؟؟ لو مو 2006 مثلا، ممكن تعملها 60-65 ؟؟ مانيوال طبعا

مع العلم انا لسه في مرحلة تفكير لاني بجهز نفسي للجواز...ف مش ناقصة يعني

و اشكرك مرة اخري لردودك السريعة مفيدة

رد: افضل سيارة اقتصادية مستعملة فى رينج 50 - 60
 

صعب اوي 15 الف لان ال2000 منها بسمع فيها 15 و 18 الف
و ال اس عموما عربيه مش مطلوبه
دا انا بتكلم كمان لو عربيتك نضيفه انما لو حالتها تعبانه حتقل عن كده كمان
.بالنسبه للماتريكس ال 2006 تعمل في حدود 65 الف لو فول اوبشن و كامله اتوماتيك
و حالتها جيده جدا مش ممتازه

رد: افضل سيارة اقتصادية مستعملة فى رينج 50 - 60
 

اشمعني عايز تشتري مستعمل ؟؟؟؟؟؟؟؟؟؟
و الله وجع قلب علي الفاضي و اسأل مجرب
انت ممكن تشتري فيرنا او لانوس ( انا حاسس انك مبتميلش للعربيات دي )
بس اسمك راكب زيرو يعني مفيش مصاريف
و قطع غيارهم رخيصه نسبيا و متوافره اوي اوي
و طبعا الصيانه سهله جدا بره التوكيل
ده وجهه نظري المتواضعه
و طبعا شكر خاص لحازم باشا علي نصايحه الغاليه