حاجز رينو مانيوال فول اوبشن من معرض السبع
 

انا دلوقتى حاجز رينو مانيوال فول اوبشن من معرض السبع الكلام ده كان حوالى نص شهر 10 وكان المفروض الاستلام على 20/11 وطبعا المعاد ده عدى ولسه لحد دلوقتى مفيش ولا حس ولا خبر وكل ما اكلم العرض يقولى ظروف البلد والشحنة لسه مجاتش والكلام ده كله امبارح كنت بشوف صفحة رينو على الفيس لقيت مشاركة من واحد بيستفسر على ميعاد نزول المانيوال الادمن رد عليه وبيقوله حاليا الاولوية للاوتوماتيك والمانيوال هتتاخر لوقت مش معلوم وانهم مبلغين المعارض بكده من شهر مارس اللى فات طب لو الكلام ده تمام المعرض ليه اخد منى فلوس الحجز وقالى كمان شهر وكلام مين اللى اصدقه واستنى لغاية اخر الشهر ولا اروح اسحب العربون مع العلم انى لو هاسحب العربون اللى هو 3000 هاخسر 1000 فى حالة الغاء الحجز يا ريت يا جماعة لو حد عنده اى اجابة او معلومة يفيدنا بيها لحسن الواحد خلاص قرب يجيله ضغط ومش عارف اصدق كلام مين

رد: يا جماعة يا ريت الرد
 

الصبر جميل. 1000 جنيه مش قليل و كمان هو فيه حد تاني هتجيب منه لو سحبت فلوسك؟ كل اللي تقدر عليه تزن عليهم و تعمل وش و كده و تقول يا تسلموني يا تجيبو فلوسي.

رد: يا جماعة يا ريت الرد
 

يا باشا انا كده كده صابر بس الكلام اللى بيتقال على لسان ادمن الصفحة على الفيس ان المانيوال هيتاخر وفى كلام تانى بيقول انه مش هينزل حاليا انا لو ضامن انى بعد الصبر هستلم العربية ماشى لكن الكلام اللى بيتقال ده هو اللى مخلينى قلقان ومش عارف ايه الصح

رد: يا جماعة يا ريت الرد
 

انا برده سمعت الكلام ده قبل الحجز و حجزت من حوالى شهر بس الناس كانت صريحه معايا و قالتلى الاستلام فى خلا ثلالثة اشهر و انا وافقت مع انى من غير عربيه بس العربيه تستحق انك تستناها وانت صبرت كتير

رد: يا جماعة يا ريت الرد
 

هو انا مقتنع بكلامكم كله والله بس المشكلة ان التوكيل بيقول حاجة والموزع بيقول حاجة وانت تايه فى النص متعرفش تصدق مين هل فعلا الشحنة جاية على اول السنة ولا مفيش شحنات مانيوال نازلة تانى؟؟