مصر موتورز مجتمع السيارات - محتاج نصائح منكم قبل شراء اللوجان !!

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - محتاج نصائح منكم قبل شراء اللوجان !! (https://www.masrmotors.com/vb/showthread.php?t=71131)

محتاج نصائح منكم قبل شراء اللوجان !!

السلام عليكمـ ..

انا بقالي شهوووور بفكر أشتري عربية إيه ,, والحمد لله استقريت على لوجان 2012

وكان ليا بعض استفسارات أتمنى تجاوبوني عليها :

1- أشتري السيارة من معرض ولا من التوكيل ,, يعني من الآخر أنا في اسكندرية ,, اشتريها من فين من اسكندرية ؟؟

2- سعر السيارة كام ؟؟
Logan 2012 Black Line Full options - Manual

3- إيه الحاجات اللي أتأكد منها لما أشتري السيارة ؟؟ وإيه الكماليات اللي بتيجي معاها ؟؟

بس كده ,,

ويارب يجعل كلامنا خفيف عليكم :03895E~170:

:01FDAB~189:

رد: محتاج نصائح منكم قبل شراء اللوجان !!

احسن مكان تشتري منة في الاسكندرية من عند طارق اسماعيل وسعر السيارة بلاك لاين 71000ج وتستلم ورقها باذن الله بعد يومن او تلات ايام بالكتير ومبروك مقدما ربنا يباركلك فيها ويكفيك شرها وابقي قولنا لونها اية عشان نبقي نغلس عليك وانت ماشي - انا من اسكندرية برضة:fun_36_3_13[1]:

رد: محتاج نصائح منكم قبل شراء اللوجان !!

اقتباس:

المشاركة الأصلية كتبت بواسطة akerima (المشاركة 544958)

ربنا يخليييييك ياباشا وشكراً على سرعة الاستجابة :w6w2005041122063463

بس شوف المواضيع دي !!

تحذير من معارض طارق اسماعيل للسيارات (ElTarek)

أسوء توكيل على الأطلاق (طارق إسماعيل ) كارفور الأسكندريه - القبارى - مينا البصل

أنا بأمانة أول مرة أفكر أشتري عربية زيرو ,, علشان كده بحاول أجمع أكبر عدد من الآراء ,,

وأكيد شكراً مرة تانية على ردك :)

رد: محتاج نصائح منكم قبل شراء اللوجان !!

انا شاري من عند الطارق عربيتين واحدة لوجان والتانية سانديرو والله المعاملة في منتهي الجمال والذوق ومتعاونين جدا ومفيش اي مشاكل بس لو انت ناوي تشتري بالتقسيط انصحك باتباع الاتي لو حتقسط مع كونتكت

تروح كونتكت الاول وتعمل استمارة استعلام وبعد الموافقة باذن الله تروح تدفع مقدم العربية في الطارق مش العكس يعني ماتحجز الاول

لو حضرتك ناوي تشتري كاش يبقي باذن الله مفيش مشكلة الطارق بجد من احسن الناس اللي اتعاملت معاها وفيه واحد هناك في فرع مصطفي كامل علي شارع ابو قير اسمة احمد زكريا روح له في الفرع من البني ادمين الممتازين والتعامل معاه مريح

اي معرض بيع غير مسؤل عن العربية المباعة بعد استلامك للعربية بتبقي مسؤلة مسؤلية كاملة من التوكيل التابعة لية وفي حالتا الحمد لله توكيل EIM احسن وافضل توكيل في مصر

رد: محتاج نصائح منكم قبل شراء اللوجان !!

بجد مش عارف أقولك إيه على المعلومات الجامدة دي وتعبك معايا :)

عموماً واضح إن المشكلة هناك مشكلة افراد مش مشكلة معرض أو توكيل

وحظك إنك وقعت مع ناس محترمة :)

كان ليا استفسار أخير لو سمحتلي ..

كونتكت مكانها فين ؟؟

أنا معايا فلوس الكاش ,, بس لو التقسيط عرضه كويس أنا ممكن أدخل تقسيط وأستفيد من باقي المبلغ أشغله ..

وشكراً مرة تانية وتالتة ورابعة وعاشرة على تعبك معايا :)