هوا الريداتير ازاي انفضه بنفسي؟
 

هوا الريداتير ازاي انفضه بنفسي؟ قربته الميه فكتها ونفضفتها كويس نزلت طين وصدا وحاجات كتيرة لكن الريدراتير دة ازاي انفضه بنفسي؟ كمان الجزء اللي جمب الغطاء بيفك الحمه ب ازير بتاع الكترونيات ولا ليه نوع معين وطول الخرطوم في القربه قد ايه لاني لقيت جزء منه واقع في القربه فا ركبته . فا العربيه بترد الميه منه وبتسقط من الغطاء بتاع القربة؟

رد: هوا الريداتير ازاي انفضه بنفسي؟
 

نصيحة احد الاعضاء الكرام هنا فى المنتدى ( كارز ادماير ) وضع لتر كيروسين داخل الردياتير لكل 4 لتر مياه ... و تسيبه كام يوم ... و لو لم تجد كيروسين .. يمكنك استبداله بسولار ( عم حمدى الفنى ) و بعدين تغير مية الردياتير و تحط مية نظيفة
فيه ناس تانية قالت تحط شوية خل مع مياه الردياتير شوية ... و تغير المياه بعد مشوار مش طويل اوى

رد: هوا الريداتير ازاي انفضه بنفسي؟
 

غيرته خالص النهاردة جبت واحد 3 عمود بدل ال 2 عمود القديم لانه كان بتسد بسرعه .....

رد: هوا الريداتير ازاي انفضه بنفسي؟
 

كويس انك غيرته

رد: هوا الريداتير ازاي انفضه بنفسي؟
 

مبروك انك غيرته, ده الأفضل طبعاً

بالنسبة للقديم كان لازم يروح لمتخصص ريداتير علشان يصلحه (يلحمه) و يسلكه, و لحام القصدير بتاع الإلكترونيات ده مكانش هينفع خالص, لأن القصدير بيسيح بسرعه مع التسخين البسيط, و طبعاً الريداتير درجة حرارته ممكن تعدى الـ 100 درجه بسهوله, فأكيد كان هيسيح.

فيه لحام ارانديت (بيسموه لحام حديد) عبارة عن انبوبتين بيتخلطو ببعض و تسد بيهم أى إخرام فى الريداتير (بس ده حل مؤقت مش نهائى) لأن اللى موجود فى السوق مغشوش و ممكن يفك بعد شوية (كام شهر كده), الأنبوبتين من أى محل قطع غيار سيارات بـ 5 جنية صينى

بالنسبة لموضوع الكيروسين و السولار و الخل, دى كلها ممتازة و بتسلك و تنضف و حنينه على الريداتير و البلوك علشان ميتخرمش, و السولار أفضل لأنه بيزيت طرمبة المياه و يزيل الصدأ
و الخل لو مش مخفف بيبقى حامى شوية ممكن يسبب تآكل للصدأ و يعمل إخرام أو يبوش الطبب فى البلوك

القربة بتتفك و تتغسل بمياه و صابون عادى, و الخرطوم يتسلك و يتنضف من جوه بالمياه و الصابون
ممكن بسلكه فى أولها قطعة قماش صغيرة, تدخا فيه القماشة و تزقها بالسلكه و تنضفه كله و تمشى فيه مياه