الطريق إلى أوتوماك2009
 

إخوتى السلام عليكم ورحمة الله وبركاته
عايز أروح معرض أوتوماك - أرض المعارض الدولية مدينة نصر - وأخوكم من إسكندرية وبصراحة كده أول مره حنزل مصر لوحدى بالعربية .. فجزاكم الله خيرا عايز وصف سهل ومايتوهش كده من أول بوابة الرسوم لحد هناك .ptmnlo123per1127

رد: الطريق إلى أوتوماك
 

لو حتيجي بالعربيه
و جاي من الزراعي يبقي قدامك 3 طرق
1.تاخد طريق الدائري اتجاه طريق السويس
وليس طريق 6 اكتوبر
و تنزل من فتحه مدينه نصر علي بعد 25 كيلو تقريبا
و حتنزل منها علي و تاخد اول يوتيرن شمال و تدخل يمين و حتلاقي نفسك في الاتوستراد
تمشي لحد المنصه و تدخل يمين حتلاقي قاعه المؤتمرات و تاخد يمين حتلاقي ارض المعارض و من اي
بوابه حتدخل .
2.لو عديت فتح الدائري يبقي ممكن تدخل من اليمين علي الكورنيش و ما تطلعش اي كوبري
و لحد مبني الاذاعه و التلفزيون علي شمالك تفضل ماشي لحد دخله التحرير
تدخل منها و ما تطلعش اي كباري برضه
حتلاقي الطريق واخدك يمين ناحيه التحرير و تاخد اول يوترن و ترجع تاني
حتلاقي مفرق خلي بالك منه من تحت 6 اكتوبر
الشمال يطلعك 6 اكتوبر و علي طول يطلعك علي الكورنيش تاني
اليمين بقي يطلعك 6 اكتوبر تفضل واخد الكوبري لا شمال ولا يمين
لحد ما تنزل الاتوستراد برضه و تمشي لحد المنصه و تاخد اول يوتيرن
و ترجع منه تدخل يمين و حتلاقي قاعه المؤتمرات و تمشي علي الوصفه الاولي
3.تدخل القاهره و ما تطلعش الدائري برضه و تخليك شمال
حتطلع جنب موقف عبود و تكمل علي طول لحد ما تلاقي نفسك معدي علي مكان
كأنه كوبري و حتلاقي عربيات كتير قبل احمد حلمي بتدخل يمين
خش معاهم و لف لحد ما حتعدي تحت الكوبري اللي كنت معدي من عليه فوق
تفضل ماشي و حتلاقي الطريق متفرع خليك شمال و افضل ماشي
لحد ما تدخل يمين من جنب المخابرات و بكده حتوصل للحدايق و قصر الرئاسه
حتلاقي كموبري القبه حتطلعه و تفضل شمال ما تنزلش من التفريعه اللي فيه
حتلاقي نفسك بعد ما تنزل عند قاعه المؤتمرات برضه علي ايدك الشمال
و تكمل علي الوصف الاول برضه:)
دول تلاته و افتكرت كمان واحد:)
4.ممكن و انت داخل من الكورنيش شمال علي التحرير حتلاقي كوبري تطلعه و تنزل علي شارع رمسيس
اول فتحه من جنب نقابه الصحفيين تدخل منها و تمشي لحد اخره و تدخل شمال قدام ميدان الاوبرا و تدخل نفق الازهر
و تمشي فيه لحد ما تطلع علي منه علي صلاح سالم و تمشي فيه لحد ما توصل لفتحه ارض المعارض من صلاح سالم.
................
لو حتيجي من الصحراوي توصل لحد داندي مول بعد البوبات
و تعدي تاخد المحور و من المحور تاخد الدائري طريق السويس و تاخد الوصفه رقم 1
او تاخد الدائري و تنزل مدخل شبرا و تاخد الوصفه رقم 2 او 3 او 4:)
.....
ارجو ان اكون وضحت كل الطرق من غير تعقيد.:)

لو حتيجي مواصلات انزل عبود و اركب اي حاجه لرمسيس
و من رمسيس تركب اي حاجه ارض المعارض:)

رد: الطريق إلى أوتوماك
 

العضو اللامع الاستاذ/ حازم خضر .. جزاكم الله خيرا .. والوصفة سهلة إن شاء الله
وإن شاء الله حنزل مصر بالعربية من باب .. ويفوز باللذة كل مغامر .. وربنا معانا
شكرا مرة تانية لإهتمامك ..

رد: الطريق إلى أوتوماك
 

العفو يا ابو الحسن باشا انت تؤمر
المشكله اني لو عندي خريطه كانت وضحت
انت و انت عند داندي مول اول ما تخرج من البوابه
حتلاقي بنزينه اقف فيها و اسال بالضبط علي فتحه المحور علشان ما تتلخبطش
و حتلاقي لوحات ارشاديه
و اول ما تمسك الدائري يبقي كده خلاص ان شاء الله
و توصل بالسلامه
هو المعرض امتي؟؟؟

رد: الطريق إلى أوتوماك
 

هل ممكن تنزل اسعار بعض العربيات في هذا المعرض؟