مصر موتورز مجتمع السيارات - طلب بسيط من اهل المنتدى الكرام عن نقل رخصة سيارة من مرور الى مرور اخر في نفس المحافظة

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

طلب بسيط من اهل المنتدى الكرام عن نقل رخصة سيارة من مرور الى مرور اخر في نفس المحافظة

السلام عليكم ورحمة الله
اخويا عايز يجدد الترخيص بتاع العربية
فعنده السنة الجاية فحص وتجديد في مرور السلام اللي هو تبعه الان
هو عايز يغير بطاقتة الرقم القومي الى الوايلي وبالتالي حايتنقل مرور الوايلي
ماهي الخطوات اللي هايعملها عشان ينقل رخصة السيارة من السلام للوايلي ؟
الرجاء الاجابة وشكرا جزيلا وبارك الله فيكم جميعاً

رد: طلب بسيط من اهل المنتدى الكرام عن نقل رخصة سيارة من مرور الى مرور اخر في نفس المحافظة

ازيك يا استاذ وليد واحشني
بص يا سيدي
بعد ما يطلع البطاقه التابع اليها مرور الوايلي
يروح مرور السلام(اعوذ بالله) و يجيب شهاده برائه الذمه الماليه (شهاده المخالفات)
و طالما العربيه باسمه و اللوحات المعدنيه بارزه و الرخصه ساريه يبقي مش محتاج شهاده بيانات
اما لو الرخصه منتهيه هيحتاج شهاده بيانات من مرور السلام
و يروح علي مرور الوايلي يفحص العربيه (مطابقه بصمه شاسيه و موتور)
و بعدين يقف علي الشباك يقدم اورنيك الفحص و شهاده البيانات و شهاده المخالفات و رخصه العربيه و البطاقه الشخصيه و يصور البطاقه و الرخصه كل واحده صورتين
و يسلم اللوحات و يستلم الرخصه و اللوحات الجديده
و بس كده :joy23:

رد: طلب بسيط من اهل المنتدى الكرام عن نقل رخصة سيارة من مرور الى مرور اخر في نفس المحافظة

اقتباس:

المشاركة الأصلية كتبت بواسطة hazem_khidr (المشاركة 561998)

ربنا يخليك يا استاذ حازم
اكبر مفاجأة جميلة ان حضرتك اللي رديت عليا
دا شرف ليا وانت ليك وحشة كتير والله
ربنا يديم المعروف والمحبة
اشكرك من كل قلبي