رد: الحمد لله أستلمت لوجان أوتو الأسبوع الماضي
 

ربنا يعزكم يا رب و يحفظكم أخواتي في مصر موتورز

رد: الحمد لله أستلمت لوجان أوتو الأسبوع الماضي
 

الف الف الف مبروك يا استاذه توتا على اللوجان .. والحمد لله انك اقتنعتى بأنك اشتريتى افضل عربية على الاطلاق بالسعر ده ..

ربنا يباركلك فيها ويحفظهالك من كل سوء ويكفيكى شرها وشرور الطريق ..

حاولى بقى حضرتك سواء سقتى انتى او اى حد تانى تكون سواقة هادية بقدر المستطاع فى اول 1000 كيلو مع تسخين العربية كويس قبل الطلوع بيها ويا ريت فى الاول تبقى تسيبيها دايره فترات (نص ساعة مثلا فى المره) وهى واقفة لتليين الموتور كويس وسواقتها بالراحه فى اول 1000 كيلو علشان باذن الله بعد التليين تاخدى منها افضل اداء ..

يا ريت بلاش تشغيل التكييف فى فتره التليين وان كنت عارف ان ده ممكن يكون صعب بالنهار بس افضل .. او حتى على الاقل فى اول 500 كيلو مثلا ...

ملحوظة ع الماشى بمناسبة التكييف : يا ريت برضو عند تشغيل التكييف تكون العربية على السلانسية (يعنى مموره او ماشية بس على RPM منخفض) للحفاظ على الكلاتش clutch بتاع كمبريسور التكييف ...

نصيحة برضو يا ريت ربط طاسات الجنوط بأفايز للحفاظ عليها من الوقوع و لتصعيب سرقتها ..

وبالتوفيق يا فندم والف مليون مبروك على العربية مره اخرى ويا رب يباركلك فيها ويحفظهالك من كل سوء باذن الله ........

رد: الحمد لله أستلمت لوجان أوتو الأسبوع الماضي
 

والله الفضل بعد ربا لحضرتك و الأستاذ جبريل في معرفتي للوجي أوتو و بجد متعة حقيقية اللوجي الأوتو و بسم الله ماشاء الله خاطفة نظر الناس كلها حتى في المرور اليوم الكل كان ملموم حواليها و بيشاوروا عليها

رد: الحمد لله أستلمت لوجان أوتو الأسبوع الماضي
 

و الحمد لله على كل حال العين جت في ورق ناقص من التوكيل ربنا يسامحهم بقى رجعوني من المرور عاوزين فاتورة رسمية و عاملوني على إني سارقة العربية علشان التوكيل مش بيطلع فاتورة ضريبية و الله حاجة عجيبة و كمان كنت حطأ لما اكتشفت إن العربية عندهم بعد الحجز بشهر بالضبط و كانوا راكنينها و لما هددت بإني حسحب الفلوس أتصلوا بيا تعالي خدي العربية شيء مستفز لأقصى درجة
ناهيكم عن الهدايا إللي أخذها جارنا إللي أشترى من موزع و استلم المانيوال بعد يومين أدوله(فش جلد+دواسات+ أرضية جلد+غطاء+شاشات عرض) و تخفيض ألف جنيه بجد حولع من الغيظ و بردو مش عاوزة أظلم يمكن نسيوا و لا حاجة موضوع الفاتورة بس العملة بتاعت تسليم العربية يعد أكثر من 3 شهور ركنة بدون داعي ده بجد خلتني أفقد ثقتي في التوكيل بنسبة 50% و موضوع الفاتورة إللي ما أدوهاليش زودت النسبة إلى 75% لكن زي ما بقول إللي ليا أقول إللي عليا بقى أتصلت بيهم جهزوا الفاتورة و حفوت آخدها الله أعلم بالظروف ححاول ما أظنش فيهم سوء و ربنا يسامحني لو كنت ظلماهم و ربنا يهديهم لو كانوا ظالمني
يالا بقى ربنا يجازي كل واحد بعمله و يسامحهم على وقفتي في الطابور ساعتين و في الآخر روحت و مش قادرة أقف على رجلي :dzy:

لكن ربنا عالم الناس في المرور كانوا محترمين جداً معايا والله من غير واسطة حتى السايس جه معايا يتحنجل قلتله روح أقعد و أنا حخلص حاجتي بنفسي و أحسنت الظن بالله و ربنا كرمني
و راعوا ظروفي الصحية لولا موضوع الفاتورة كان زماني بتفسح بيها دلوقتي و كنت حوفر 100ج بتوع أجرة التاكسي للدكتور يوم السبت

أمر المؤمن كله خير أدعولي بالله عليكم ربنا يكفيني شرها و شر ما جبلت عليه و يعطيني خيرها و خير ما جبلت عليه

رد: الحمد لله أستلمت لوجان أوتو الأسبوع الماضي
 

السايس طلب تاني مفتاح الريموت قلتله لما نيجي نخرج أبقى أديهولك قعد يتحجج قلتله لأ علشان أحافظ على المفتاح يفضل معايا مش معاك

نفسي حد يحدفه بآر بي جي و يخلصني من رغيه و مناخيره المحشورة في كل حاجة
و المصيبة إن أخبار كل أصحاب العربيات إللي في الجراج عند بعض يعني احتمال كبير أصحى في يوم الصبح آلاقي جارتنا أم آية عارفة بحط كام فص توم في تقلية الملوخية و مدام أ/ عادل بتستعمل شامبو إيه بجد عادة سيئة جداً حتخليني أنضم لجمعية الصم و البكم و أديله وش فيبر جلاس و يمكن ربنا يكرمه على أيدي و ينضم لقائمة إللي ما يحترمش لقمة عيشه تزول من وشه و أدعي عليه دعوة تجيب اجله

يا رب أكرمني و تم نعمتك عليا بالشفاء و لا الحوجة لحد