|
تجربتى الفاشلة مع مصر للتامين
تجربتى الفاشلة مع مصر للتامين انا معايا لانوس زيرو موديل 2012 مامن تبع مصر للتامين وواخد عربيتى قسط مع بنك عودة ودفعت اول قسط تامينى لاول سنة 2300 المهم مشكلتى هية وانا كنت مرة ماشى لا بيا ولا على فى شوارع المنصورة الجميلة طلعلى تروسكل مخالف خبطلى الرفرف اضايقت طبعا قولت اروح التامين اعملها فى التوكيل فابتوع المصرية قالولى لا نصيحة ماتعملش فى التوكيل وهوة منصور طنطا اقرب فرع ليا واعملة فى مركز خدمة عادى عشان الاجرائات تخلص بسرعة واسهل معاة قولت طب مين كويس قاللى مركز الشايب المهم روحت قالى الخبطة هاتتكلف 450 جنية وهية خبطة حوالى 30 سم فى الرفرف وقالى لازم تترش قولت لو مش هاتبان مش مشكلة قالى لا مش هاتبان باذن الله المهم دفعت 450 واستلمتها بعديها بيومين وقالى ( مركز الشايب ) انا هاخلص بقيت الاجرائات وهاتستلم انتا الشيك مرة واحدة تابعت مع الناس بتوع المصرية والشايب ( المصرية هناك قسم مخصوص للتامين ) وبعدين من ساتها يا مؤمن بقالى شهر ونصف مااخدتش حاجة المهم كلمنى النهاردة واحد من هناك وقالى شيكك جة تعالى خدة اروح اشوف الاقى الشيك ب 166 جنية طب ازاى دة انا لا غيرت رفرف ولا عملت حاجة دة انا سمكرت ورشيت وعلى اللحم ومامعجنش كمان لان العربية زيرو قالى الشيك بيجى من مصر واحنا ملناش دخل قولتلة ماشى بس مين قالى مصر للتامين روح ااسالهم ....
فانا هاروح بكرة رغم انى متاكد ان كل اللى هاعملة مش هايجى بفايدة تذكر وبستعوض ربنا فى الفلوس بس بنصح اى حد مايامنش تبع مصر للتامين عشان شركة مش كويسة وبتاعة وسايط وكوسة وخاصة انى شوفت شيك قدامى فى وسط الشيكات الموجودة لدكتورة دافعة 13 الف وواخدة 12400 يبقة دة اية حرام ولا مش حرام كوسة ولا مش كوسة ؟؟؟ وربنا يعوضنى بجد والحمد لله انها ظهرت فى 200 ولا 300 جنية وربنا نبهنى احسن ماكنت تيجى فى حاجة كبيرة والعربية تتسرق مثلا وبالمنظر دة كان مندوب التامين هايكرمشلى 200 جنية فى جيبى ... واسف على الاطالة |
رد: تجربتى الفاشلة مع مصر للتامين
اولا : مساء الخير يا فندم مشكلة حضرتك انك امنت تبع المصرية و للاسف المصرية مش بتتابع تعويضات العملاء العيب مش من مصر للتامين العيب من مندوب المصرية ثانيا : موضوع ان الشيك ب 166 جنية و حضرتك دافع 450 دة بسبب ان اكيد المصرية عملت لحضرتك الوثيقة بتحمل 4 فى الالف من مبلغ التامين بمعنى لو سعر العربية 70000 فحضرتك بتتحمل منهم 280 جنية و يا ريت حضرتك تبعت لى صورة الوثيقة اطلع عليها و للاسف اغلب المشاكل بتيجى من العملاء اللى بيأمنوا تبع المعرض يا ريت يا جماعة كل واحد يشوف مندوب من الشركة يخدمة وقت الاصدار ووقت التعويض علشان ما يعانيش المعاناة اللى العملاء اللى بيأمنوا تبع المعارض بيعانوها و شكرا ليك اتمنى انى اكون قدرت اوصل المعلومة |
رد: تجربتى الفاشلة مع مصر للتامين
اقتباس:
|
رد: تجربتى الفاشلة مع مصر للتامين
اقتباس:
لو الموضوع نصب دة يبقى من المصرية مش من مصر للتأمين لو الوثيقة بدون تحمل يبقى المفروض حضرتك تدفع2640 و لو بتحمل يبقى سيادتك تدفع 2300 و لو ممكن حضرتك تبعت لى صورة الوثيقة اطلع عليها التحمل دة بيقلل القسط مقابل ان العميل بيتحمل نسبة من التعويض تعادل 4 فى الالف من مبغ التأمين ( التحمل دة بيكون 284 دة بالنسبة لعربية حضرتك ) اى كان الحادث و نحسبها مع بعض حضرتك بتقول دفعت 450 جنية و خدتهم 166 و انك ماصلحتش فى التوكيل اولا : 450 - 284 هيدينا 166 يبقى الموضوع مفيهوش نصب من الشركة للاسف المصرية ممكن تكون عملتلك الوثيقة بتحمل بدون علمك اتمنى انى اكون وضحت الصورة و معتقدش ان فى غلط من مصر للتأمين و لا نصب زى ما حضرتك قلت و غلطة حضرتك انك ما اطلعتش على الوثيقة و قريت بنودها كويس يا ريت يا جماعة باقى مستشارين التأمين من الشركات الاخرى يردوا و يقولو كلامى صح و لا غلط و الاثبات لكلامى صورة الوثيقة لو ممكن تبعتها |
رد: تجربتى الفاشلة مع مصر للتامين
استاذي العزيز انا مع الاستاذه ايمان و هيكده المعادله صح وثيقه حضرتكبتحمل 4 في الف و هي دي من اكثر عيوبمعرض المصريه انها بتعمل وثيقه التامين للعميل و العميل مابيعرفش ايه الي ليه و ايه الي عليه ياريت في المرات القادمه حضرتكتقراء الوثيقه كويس قوي وتستفسر عليكل شئمن حدمختص في التامين مش من حد من المصريه
|
| الساعة الآن 10:29 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017