سرقة السيارة المؤجرة
 

مشروع التأجير مشروع ممتاز إلي حد ما ..ولكن له بالطبع مخاطره عالية

- تعرض السيارة لحادث وبقائها بالورشة للتصليح لفترة ..يعتبر خسارة كبيرة حيث أنها العمود الفقري للمشروع
- تعرض السيراة للسرقة ... لا أعتقد هنا أن الشرطة حتقدر تساعدك بحاجة غير (المحضر ) .. ولا التأمين هيعوضك نصف تمن السيارة ..ولو حصل هيكون بعد دوخة ..

إزاي أصحاب مكاتب التأجير بيحلوا المشاكل دي؟؟ ..ونظرا لخبرتي في تأجير السيارت مع مكاتب كثيرة في مصر .. أصحاب المكاتب مش ناس أغنيا ولا حاجة ..تجعلهم يتحملوا خسائر من النوعية دي !!

رد: سرقة السيارة المؤجرة
 

عزيزى
المشروع دة زية زى اى مشروع فية مغامرة ومخاطر كبيرة
ولانى دائما بقول لاصحاب السيارات والمقدمين على المشروع دة لا تنظر الى الاغراء المادى فى اليجار والشهرية واهتم بالحفاظ على السيارة الى اخر وقت

ولان التامين لا يكون سند قوى لموضوع فقد السيارة
فالاهم من كل ذلك
انك تعرف انت هتاجر لمين ولا تنظر الى الاغراء المادية واهتم بالحفاض على السيارة
ودة اى شى لان انت لو طالب شهرية كبير من مكتب الايجار هو لن يحافظ على السيارة لانة سيهتم بانة يطلعها ايجار علشان يقدر يجمع لك شهريتك ومصاريفة

وربنا يسترها معانا فى شغلنا وثقة الناس فينا

رد: سرقة السيارة المؤجرة
 

هوه ده الكلام المظبوط يا استاذ سيف الموازنة بين الدخل والحالة زى موضوع المقدم والقسط (القاعدة يعنى)
دخل معقول =حالة العربية جيدة ومضمونة
دخل عالى=حالة متدهورة وعرضة للخسارة

رد: سرقة السيارة المؤجرة
 

نصيحة هامة لا تؤجر سيارتك لأى حد قم أنت بنفسك بقيادتها حتى تحافظ عليها

رد: سرقة السيارة المؤجرة
 

على قكره أنا عندى مكتب تأجبرسيارات والمشكله اللى بتقابلنا أن أصحاب السيارات عايزين يأجرو بمبالغ كبيره ولما نقول على السعر بتعنا بيطفشوا ويروحو مكتب تانى سعره أعلى وبعدكام شهر يجى ندمان فيه اللى مخدش حقه واللى عربيته اتقلبت ومش عارف باخد حقه واللى قفل المكتب وهرب واللى اتمسكت فيها مخدرات الخ فمكتبنا مثلا لايأجر الالموظف معلوم المكان وشركات ذات السمعه الكويسه وشكرا