مصر موتورز مجتمع السيارات - سبب قوى لموت المصريين : ( ظبط الهوا عند الراجل بتاع الكاوتش )

مصر موتورز مجتمع السيارات (https://www.masrmotors.com/vb/index.php)

- سلامتك على الطريق (https://www.masrmotors.com/vb/forumdisplay.php?f=8)

سبب قوى لموت المصريين : ( ظبط الهوا عند الراجل بتاع الكاوتش )

مهم جدا تظبط الهوا عند حد مؤهل

اليكم ما حدث معى

كنت مسافر فقبل ما اطلع على الصحراوى و عند اقرب واحد من البيت قولت اظبط هوا (لان مهم ظبط الهوا و الكاوتش بارد يعنى ميكونش مشى اكتر من 2 ل 3 كم)
لقيت الراجل اللى متعود عليه قافل فروحت للى بعده و طبعا كالعادة نزلت اتاكد لان فى حاجات كده لازم الواحد يتاكد منها بنفسه زى ربط مسامير الجنط لان الاهمال فيها بيكلف ارواح
اكتشفت انه بيظبط على 3.2 بار و مش بيظبط على 32 psi طبعا كارثة
فبكل ذوق قولتله معلش حضرتك مش واخد بالك المفروض تظبط على التدريج الجوانى مش البرانى
فقاطعنى بقلة أدب : انت حتعلمنى شغلى ؟
فقلتله لا العفو و بحاول افهمه
فدور وشه و قالى روح اظبط هوا فى حتة تانية !!!!!!

يعنى ربنا يهديه نتيجة لجهله و كبره حيتسبب فى موت ناس
المشكله مش فى الجهل المشكلة فى التكبر على التعلم

فقولت اعرفكم على العداد الطريقة الصح
http://www.masr1.com/?di=X888
مثلا فى عربيتى و فى معظم العربيات الكتالوج بيقول 32 psi طبعا الكلام ده صيفا شتاءا و زيى ما قولت و الكاوتش بارد ميكنش مشى كتير
فى الصورة نموذج لمعظم العدادات اللى عند بتوع الكاوتش
الصح انه يظبط على 32 psi يعنى على التدريج الاحمر اول شرطة صغيرة بعد الشرطة التخينة اللى بين ال 20 و ال 40 كده حتبقى 32 بالظبط و انا علمت عليها فى الصورة بشرطة خضراء

الراجل كان بيظبط على 3.2 bar يعنى على التدريج الاسود على اول شرطة بعد ال 3 و انا علمت عليها بشرطة زرقاء
فبكده فعليا بيظبط على 47 psi

طبعا الكلام ده خطر لان كده الكاوتش عرضه للتلف السريع لو خبط فى نقرة ده غير ان مع سخونة الطريق الضغط بيرتفع كمان اكتر حتى لو الكاوتش مفرقعش فسهل يبوظ و يتأكل اسرع فى منطقة حزام منتصف المداس

رد: سبب قوى لموت المصريين : ( ظبط الهوا عند الراجل بتاع الكاوتش )

شكرا ليك جدا ع المعلومات دى وربنا يسلم طريقنا جميعا سوقسوق
ويهدى االراجل بتاع الكوتش دة
تحياتى

رد: سبب قوى لموت المصريين : ( ظبط الهوا عند الراجل بتاع الكاوتش )

شكرا على المعلومة وكمان حضرتك لو كنت سافرت على ضبط الكاوتش الزيادة اكيد السيارة على السرعات العالية مكنتش حتكون ثابتة
:CHUBBY~36:

رد: سبب قوى لموت المصريين : ( ظبط الهوا عند الراجل بتاع الكاوتش )

ربنا ينجينا جميعا من الجهله اللي زي الاخ دا

رد: سبب قوى لموت المصريين : ( ظبط الهوا عند الراجل بتاع الكاوتش )

اقتباس:

المشاركة الأصلية كتبت بواسطة Torn@doo (المشاركة 655641)

شكرا ليك جدا ع المعلومات دى وربنا يسلم طريقنا جميعا سوقسوق
ويهدى االراجل بتاع الكوتش دة
تحياتى

العفو لحضرتك
و فعلا ربنا يهديه
انا فكرت اقتله ههههههههههه
بس فعلا انا بسافر كتير و كل مرة بشوف على الاقل حادثتين 3 مميتين

اقتباس:

المشاركة الأصلية كتبت بواسطة kimo10 (المشاركة 655642)

طبعا هو مكملش و انا دخلت البلد تانى عند بنزينة متعود عليها و لقيت واد صغير جديد فبقوله تخيل كنت عند واحد تانى عايز يظبطلى على الاتدريج الاسود راح الواد الصغير ده قالى مينفعش لان التدريج الاسود بالبار !!!!!!!!!!!!
فاتبسط جدا منه انه فاهم

على فكره الراجل الاولانى مبلمهوش على جهله انا بلومه على تكبره لانى انا نفسى جاهل برضه مفيش حد مش جاهل الا ربنا سبحانه و تعالى