|
أرجو المساعدة من أهل ال M11
<HR style="COLOR: #ffffff; BACKGROUND-COLOR: #ffffff" SIZE=1>
<!-- google_ad_section_start -->مساء الخير على أعضاء أحلى منتدى سيارات ..... أنا من ملاك M11 .. استلمتها من 3 شهور وعاملة 6600 كم بالظبط لغلية النهاردة. بصراحة يا جماعة رأيى فى العربية انها أكتر من ممتازة (على قد تمنها).. ومريحة جدا فى السواقة وثباتها أكتر من رائع.. وبصراحة فضلت فرحان بيها جدا جدا لغاية من شهر تقريبا.. كنت ماشى وقافل زجاج الابواب ومشغل التكييف فى طريق مش متسفلت كويس وبدأت اسمع صوت رجرجة فى الزجاج.. المهم قلت بسيطة ورحت أعمل صيانة 5000 فى أبوغالى طومانباى... المهندس حاول يقنعنى انه مافيش حاجة.. ولما أصريت جرب العربية معاى وفعلا قال لى كلامك صح بس بصراحة مش هنقدر نحل المشكلة دى .. لازم تروح ابوالفتوح اللى فى جسر السويس.. بعد كام يوم صوت الزجاج زاد وبقى مضايقنى جدا.. رحت جسر السويس وقلتلهم على المشكلة .. المهم المقابلة تمام والناس محترمة.. لكن استلمت العربية زى ما هى بالظبط..!!!! رجعت للمهندس وقلتله و بعد ما جرب العربية معاى تصوروا رد قال لى ايه...؟؟ قال تصدق انا بسمع نفس الصوت ده فى عربيتى A620 و عمرة ما ضايقنى ...!!!! [IMG]http://www.**********.net/Nile/images/smilies/majd(4).gif[/IMG] بالله عليكم أرد أقول ايه؟؟ المهم قال نفس الكلام المعتاد ان العيب فى جودة الخامات المستخدمة والكاوتش اللى حوالين الزجاج وانه ما عندوش حل للحكاية دى وممكن اروحلهم فى أبورواش علشان يشوفوا حل... وبصراحة يا جماعه انا هاموت من الغيظ .. فعلا العربية روعة وحاجة صغيرة زى دى مش عارفين يحلوها.. وكل الاعضاء فى المنتدى بيحذروا من أبورواش وبيقولوا العربية بتخل وتطلع زى ماهى... بصراحة أنا مش عارف أعمل ايه..؟؟؟ يا ريت لو حد عنده حل يقول لى بسرعة... و أخيرا اسف للاطاله..<!-- google_ad_section_end --> |
رد: أرجو المساعدة من أهل ال M11
حلين بالترتيب 1- تروح لواحد بتاع ازاز بره شاطر اوى تعرف منه العيب بس مش حيصلحه بس تحدد العيب بالظبط ايه 2- تروح بعد كده التوكيل وتقولهم العيب هو كذا كذا ومن فضلكم اعملوه لان العربية فى الضمان ولو دخلت العربية وطلعت زى ماهى قدم شكوى فى حماية المستهلك بس لو الموضوع بسيط او حاجة صغيرة خلى اللى كشف عليها يصلحهالك وبلاش وجع قلب ومشاورير وحرق دم واتمتع بعربيتك وربنا يباركلك فيها ويحرسهالك |
رد: أرجو المساعدة من أهل ال M11
المشكلة موش العربية المشكلة الحقيقية أنهم في مركز الصيانة بيتعاملو معاك بأستهتار وبيمشوروك علي أنك فاضي وبتتفسح وتروح تضيع يوم يومين مفيش عندهم مشاكل اصرف ولف ودور حاولين نفسك زي المجانين هي دي مصر موش أسبرانزا هو ده الشعب المصري موش أسبرانزا لازم يطلع عينك يبقي أنت أكيد في مصر ههههههههههههههههههههههههه ههه
|
رد: أرجو المساعدة من أهل ال M11
انتا فعلا عندك حق بس انا الصوت عندى ضعيف جدا وانا عامل 7000 كيلو متر بس مش حاطة فى دماغى لو عايز اى استسفار فى حاجه تانية كلمنى 0105750375 |
رد: أرجو المساعدة من أهل ال M11
اقتباس:
اقتباس:
اقتباس:
بص انا لسه بحب العربية دى جدا..!!!!!!! وبصراحة مش عارف ليه.. بس نفسى أحل المشكلة دى وبفكر أتوكل على الله وأروح ابورواش وأجرب حظى ... انت ناوى تسيبها ولا هتعمل ايه؟؟.... وياريت نتواصل و لو فى مشكلة نحاول نحلها... أخيرا متشكر جدا للردود... أخوكم د/ أحمد درهوس |
| الساعة الآن 05:20 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017