|
الموتور قفش التو 2008 1100 سيسي افيدونى
السلام عليكم
امبارح وانا بافتكس فى عربيتى الالتو قمت فاتح البوابة ومغرقها بسائل تنظيف الكاربراتير وجاى ادور تدينى تكة واحدة بس من غير دوارة للمارش حاولت بشتى الطرق من زق وخلافة وتغيير بطارية وتوصيلات مفيش رحت لميكانيكى ادى غيار 4 وقعد يزق فيها قالى الموتور قفش سبتة ورحت لكهربائى احسن يكون الموضوع بسيط فى مارش وبس فك المارش وحاول وفى الاخر قالى برضة قافشة المهم قالى سبها وهيجيب ميكانيكى يشوفها وهيفك كل حاجة التاكييهات ووش السلندر وحتى الكارتيرة ويشوف عمود الكرنك يعنى فيلم ياريت تفيدونى هل الكلام كدة صح واية اللى ممكن يسبب ازمة زى دى وازاى دة حصل |
رد: الموتور قفش التو 2008 1100 سيسي افيدونى
كدا عندك مشكلة في حساسات عند البوابه
ولازم تكشف علي طرمبه البنزين هل بتجيب بنزين لحد الرشاشات وله لا قبل فك الماتور |
رد: الموتور قفش التو 2008 1100 سيسي افيدونى
بالظبط شوف ميكانيكى حافظ العربية او مركز متخصص مش منطقى خالص موضوع ان المكنة تقفش ده
|
رد: الموتور قفش التو 2008 1100 سيسي افيدونى
الف شكر يا جماعة على ردودكم
انا جبتها النهاردة من عند الكهربائى بعد ما جابها من عند ميكانيكى جنبة وهى شغالة تمام جدا واخد الكهرباء حسابه هوة والميكانيكى بعد الفصال 250 جم مش مهم الفلوس المهم انا رحت للميكانيكى قالى انه مفتحش غير الكارتيرة من تحت وبس ولا وش سلندر ولاحاجة وبعدين لقيت صوت فى بداية حركة العربية كانة تخبيط خفيف وبيبان لما بزود على الغيار او ارجع للخلف انما فى السرعات مفيش المهم رجعت للميكانيكى قالى اصل السبيكة بتاعة الكرنك معرفش جرالها اية من القفشة ولو عاوز تلغى الصوت دة ممكن نخش فى عمرة الاحسن امشى بيها كدة ومش هيحصل حاجة وباذن الله الصوت يخف اللى قالقنى كلام الكهربائى لصاحبى بعد لما انا مشيت بيقولة ان الموتور دة محتاج عمرة قريب وانا مستغرب دة لان صوت الموتور مستريح وسحبة كويس حتى مع التكييف ومش حاسس بفرق الا صوت التخبيط الخفيف دة وصاحبى قالى روح لميكانيكى معين واحكى له على الموضوع دة وهو راجل دوغرى وهيجيب لك من الاخر بس انا اللى اتعلمتة """"""" اوعى اوعى اوعى تلعب فى حاجة شغاله كويس""""""""" """"""اوعى اوعى اوعى تطبق فيديوهات على اليوتيوب عمال على بطال"""""" """""" ادى العيش لخبازة """"""""" |
رد: الموتور قفش التو 2008 1100 سيسي افيدونى
ربنا يباركلك فى العربية ......
لو صوت الخبط ده ... الى بيقولوا عليه ترزيع فى عمود الكرنك .... حضرتك حتحتاج تخرط الكرنك و تعمله جلب على الكراسى ...و تشترى طقم سبيكة جديد .... او تشترى كرنك جديد الصوت حيروح ؟؟؟؟ لا طبعا ... الصوت حيزيد مع الوقت نظرا لتاكل السبيكة المستمر مع الوقت بس حضرتك مشرحتش ... ايه سبب ان العربية مكانتش عاوزة تدور ؟؟؟!!!!! و انا معترض على النقاط الثلاثة الى حضرتك اتعلمتها ..... علشان لو طبقتها ... مش حتتعلم حاجة تانية عن عربيتك |
| الساعة الآن 10:17 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017