مشكله غريبه في فتيس اكسنت RB ً2016
 

اولا السلام عليكم و رحمه الله

هحاول اشرح مشكلتي بدقه و اختصار و هنتظر رد الخبراء

عربيتي اكسنت 2016 اتوماتيك
اللي بيحصل ان العربيه بتكون علي الرابع و بعدين بشيل رجلي من علي دواسه البنزين فبتقل السرعه تدريجيا لحد اما تبقي حوالي 40 كم في الساعه و مع ذالك بيفضل الغيار الرابع موجود يني العربيه بتفضل علي الغيار الرابع رغم ان السرعه بطيئه جدا. و بطبيعه الحال لما بحاول طلع تاني بالعربيه و ادوس بنزين جامد علشان اجمع سرعه السحب بيكون ضعيف و العزم واقع و ده لان العربيه بتكون علي الرابع مع سرعه منخفضه
الكلام دهبيحصل وانا علي الاوتوماتيك او المانيوال. مفيش فرق.
حلها الوحيد اني اتحكم انا بنفسي في الغيارات من السيبترونيك و طبعا ده مش كويس لانه بيحرمني من مميزات الاوتوماتيك

ارجو الافاده لاني اتعرضت اكتر من مره لمواقف كانت ممكن صعبه و انا سايق بسبب العيب ده و كنت هعمل حدثه امبارح لكن ربنا ستر

رد: مشكله غريبه في فتيس اكسنت RB ً2016
 

حضرتك الموضوع دا ميتسكتش عليه لازم تتوجه فورا للتوكيل
هل فى اى لمض مضيئة فى التابلوه ؟

رد: مشكله غريبه في فتيس اكسنت RB ً2016
 

شكرا يا احمد باشا علي اهتمامك
لأ مفيش لمبه منوره
روحت التوكيل و عملوا ريسيت للفتيس قدامي و بحضوري و باردو المشكله زي ماهي
وطبعا لما عملنا الريسيت كنا واقفين بالعربيه داخل مركز الصيانه
انا كلمتهم تاني و قالولي لازم ارجع و تتعرض العربيه علي الدعم الفني
لكن يا احمد باشا انا كنت عايز استفاد من خبرتك و احاول افهم منك سبب المشكله ممكن يكون ايه ؟؟ ع¤الع¤ مثلا ؟؟ يعني ياريت تشرحلي شويه و تفهمني علشان لما اروحلهم تاني ابقي بتكلم معاهم و انا فاهم

و شكرا جداااا لاهتمامك .

رد: مشكله غريبه في فتيس اكسنت RB ً2016
 

العفو يا باشا
انا كنت حقول سوفت وير بس كدا حاجة تحير
كدا الفتيس بيعلق على الرابع كأنه فاهم ان هو فى وضع الستيب ترونيك و انك مختار الرابع
لازم فى التوكيل يطلعوا بيها تست درايف