الراديو بيفصل كل عشر دقائق
 

السلام عليكم
يا جماعة انا الراديو عندى فى اللوجان كان شغال عادى و كنت راكن و بنتى حطت حاجة معدن فى مكان الولاعة و ساعتها لقيت الراديو فصل فرحت مشغله تانى بس من وقتها و هو لما يشغله بيستمر عشر دقائق و يبطل تانى فهل حد من الاخوة عنده تفسير لده او حل
كمان بلاحظ انى ممكن اشغل الراديو من غير ما احط المفتاح و ده مكنش بيحصل فى عربيتى القديمة فهل ده عادى
و شكرا جزيلا

رد: الراديو بيفصل كل عشر دقائق
 

موضوع انه بيشتغل من غيرالمفتاح ده العادي بتاعه متقلقش...
اما موضوع انه بيفصل معلش مقدرش افيدك في تشخيص السبب ..استنى حد من الاخوة الخبرااء اللي في المنتدى
وربنا يسترها ان شاء الله

رد: الراديو بيفصل كل عشر دقائق
 

أده هو الراديوا و الكاسيت بيشتغلوا من غير المفتاح

مش الفروض لو المفتاح مش مكانه كل حاجه فى العربيه تفصل

رد: الراديو بيفصل كل عشر دقائق
 

بص يا وحش.. واحد صاحبي كان عنده عيب مماثل بس كوميدي شوية و هو إن الكاسيت كان بيعمل Restart مع الفرامل.. و بعد ما لف على كهربائية كتير وصل للحل عند واحد أنا وصفتهوله.. هو قاله إن الكاسيت متوصل على فرع كهرباء متاخد منه توصيلات لحاجات كتير (النور العالي و الفوجات و مش عارف إيه تاني كدة) فالكهرباء اللي كانت بتوصل للكاسيت ضعيفة وكان الحل إنه أخد كهرباء من البطارية Direct و عمله فيوز خارجي و من ساعتها و الدنيا ماشية معاه فل الفل:Wkiss5: