|
مستقبل تويوتا بين شاهين و الفطيم
السلام عليكم و رحمة الله و بركاته أنا عضوة جديدة من حيث تسجيلي في الموقع بس متابعة جدية للموضوعات من فترة طويلة و من خلال متابعتي للحوارات و المناقشات هنا استفدت كتير من اغلب الأخوة اللي بيكون هدفها مصلحة القاريء و توصيل معلومة كاملة و مفيدة لحل مشكلته أو المشاركة في نقاشه في موضوع ما و اختارت يكون موضوعي الأول هنا من مقال حديث من ملحق سيارات جريدة الأخبار الصادر بتاريخ 12/9/2009 للصحفي الأستاذ : خالد أباظة عنوان المقال هو نفسه عنوان موضوعي و بيتعرض لمشكلة الصراعات داخل توكيل تويوتا خاصة فرع العباسية اللي بيعاني مشاكل في طاقمه الإداري و محاولات تصفية قياداته الجزء اللي لفت نظري في المقال هو محاولة الأستاذ خالد إنه يثبت إنه له عيون داخل الشركة و ده كان واضح في الجزء اللي قال فيه : اقتباس:
!!!!!!!!!!!!!!!!!!!!!!!!! !!!!!!! طيب ليه حضرتك تقول إن ليك عيون في الشركة ؟؟ ما هو ده بيضر الناس اللي سربت الاخبار دي للجريدة و جملة معانا (مستندات) بتدي انطباع بمحاولة الضغط على ناس معينة في حاجة تانية اهتم إنه يكتبها في الصفحة الاولى من المقال : اقتباس:
و الغريب إنه الملحق أساسا قائم على فلوس الإعلانات و بعدين الناس اللي بيشتغلوا في الإعلانات مش بالضرورة يكونوا صحفيين هما موظفين في الاول و في الآخر و إنهم يجيبوا اعلانات فده شغلهم اللي بياخدوا مرتبات عليه الشيء الغريب و اللي بيدعوا للأسف فعلا اقتباس:
طيب ما حضرتك مشرف عام ملحق السيارات ممكن تطلب من رئيس التحرير يلغي الإعلانات و تكتفي بمقالاتك انت و زملائك الصحفيين ؟؟؟ و في نهاية الجزء الخاص بالصحفيين اللي بيجيبوا اعلانات تخدم موضوعاتهم اقتباس:
هو اللي بيعمل دوره في وكال اخبارية بقى شحات ؟؟ عموما انا بتمنى إني الاقي ردود تناقشني و مكن أكون غلطانة في زجهة نظري بس يكفيني اهتمامكم بالموضوع و مناقشته |
رد: مستقبل تويوتا بين شاهين و الفطيم
شكرا علي الموضوع بس انا عموما فقدت ثقتي في الصحافة المطبوعة و الأمل في الصحافة الشعبية من علي شبكة المعلومات الدولية |
رد: مستقبل تويوتا بين شاهين و الفطيم
اهلا و سهلا بيكي استاذه نانا
واضح ان حضرتك ليكي اسلوب و منطق في التفكير نتمني يترجم علي صفحات المنتدي في مواضيع اخري و لا تكتفي بهذا الموضوع:) بالنسبه لموضوعك فخالد اباظه اخر واحد يتكلم عن الاعلانات و الدعايه و المقالات المدفوعه هو بيتعامل مع الصحافه كأنها وسيله للتربح و اللي يشبعه يقول فيه اشعار و اللي يقطع الاعلانات عنه يا ويله علي اللي حيحصل له. يا ريت حد يسأله العربيه الكورولا بتاع مراته جايه هديه من مين؟؟؟؟!!!!!!!!!!! |
رد: مستقبل تويوتا بين شاهين و الفطيم
أهلا بيكى عضوة جديدة فى المنتدى
خالد أباظة كنت احترم كتاباته فى الاول و لكن بعد كده كتاباته مابأتش تساوى نكلة مصدية من وجهة نظرى و خصوصا تدخله الغير مبرر فى تعيين رئيس جهاز حماية المستهلك الحالى بعد كتاباته عنه |
رد: مستقبل تويوتا بين شاهين و الفطيم
أخواني الأفاضل أنا شاكرة جدا مروركم و ردكم في الموضوع و إن شاء الله هيكون بينا مناقشات هادفة و جدية في موضوعات كتير تخص عالم السيارات و بخصوص موضوعي ده فرأيي نابع من منطلق محاولة الاستفهام عن الخلط بين النقد و الانتقاد المشكلة إن اغلب اللي بيكتب علشان ينقد شخص بيحاول بيتقده بطريقة : لما أهينك يبقى هتخاف مني و دي مشكلة بقيت شائعة جدا و هي إهانة الأشخاص هي أقصر الطرق لتوصيل معلومة طيب ما الأستاذ خالد ممكن ينتقد سلوكيات بعض مندوبي الإعلانات اللي شايف إنهم بيضروا المهنة دي بس بدون سخرية و استهزاء مش لازم أقول عنهم إمهم شحاتين و ممكن تكون دي طريقتهم الوحيدة في ظل الأزمة اللي بتمر بيها الشركات هما بيحاولوا يخفضوا ميزانية الإعلانات بس ده طبعا بيضر مصلحة الجريدة لذلك الجريدة بتغط على مسئول الإعلانات علشان يشوف شغله بأي طريقة و طريقة : معايا اللي يدينك دي لما تتقال وسط مقالة يبقى مخزاها ايه غير التهديد ؟ |
| الساعة الآن 10:05 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017