مصر موتورز مجتمع السيارات - هنا نجمع عناوين مراكز وورش الصيانة الموثوقة

مصر موتورز مجتمع السيارات (https://www.masrmotors.com/vb/index.php)

- مراكز الصيانة (https://www.masrmotors.com/vb/forumdisplay.php?f=202)

- - هنا نجمع عناوين مراكز وورش الصيانة الموثوقة (https://www.masrmotors.com/vb/showthread.php?t=3698)

هنا نجمع عناوين مراكز وورش الصيانة الموثوقة

السلام عليكم ورحمة الله وبركاته

أنا فكرت إننا نعمل موضوع واحد نجمع فيه أكتر مراكز صيانة أو ورش جميع التخصصات (عفشة - ميكانيكا - كهرباء - سمكرة ... إلخ) بشرط يكون المركز ده أو الورشة بنتعامل معاها من فترة ومضمونين وأسعارهم معقولة ونكتب عناوينهم وأرقام تليفوناتهم إن أمكن والتخصص بتاع كل واحد ، وده هيريح ناس كتير من استغلال كثير من الصنايعية سواء من ناحية قلة الجودة أو كثرة التكاليف وهيفيد بالأكتر قليلي الخبرة زي حالاتي كده ، وهبدأ بالناس اللي اتعاملت معاهم وبثق فيهم :

1- مركز الصفا
التخصص: الإنجكشن والكربراتير
العنوان: جسر السويس - أمام عمارات الفاروقية - سوق القنال

2- أحمد الرابح
التخصص: كهرباء وتكييف السيارة
العنوان: منتصف شارع الأربعين - خلف حديقة بدر - جسر السويس
محمول: 0101692701

3- درش بتاع الزوايا
التخصص: ضبط زوايا واتزان وترصيص
العنوان: منتصف شارع الأربعين - خلف حديقة بدر - جسر السويس
وعلى فكرة هو مشارك معنا هنا في المنتدى

4- الأسطى عبد الحميد
التخصص: ميكانيكا وعفشة
العنوان: تقاطع شارع الهادي البشير مع نهاية شارع الأربعين - خلف حديقة بدر - جسر السويس
محمول: 0105016383

دول اللي بثق فيهم حتى الآن ، طبعًا أعرف غيرهم بس لا أثق فيهم ولا أنوي التعامل معهم مرة أخرى
وأرجو من باقي الأعضاء كل واحد يساهم بذكر ولو مركز واحد أو ورشة تعامل معها من قبل وجربها ووثق فيهم

رد: :: هنا نجمع عناوين مراكز وورش الصيانة الموثوقة ::

مقدر جدا حبك و تفهمك و رغبتك فى ان تدل الاعضاء غلى الاماكن التى تثق بها لعمل صيانة لسيارتهم
و ده طبعا للسيارات القديمة اللى مش ينفع انها تروح مراكز خدمة
بس بحب إنى الفت نظر الاعضاء إن الإدارة غير مسؤلة عن تلك المراكز و الورش التى سبق ذكرها
شكرا مرة اخرى أ/أبو عبد الرحمن

رد: :: هنا نجمع عناوين مراكز وورش الصيانة الموثوقة ::

أيوة طبعًا الإدارة مش مسئولة مقلناش حاجة
بس أنا قصدت من الفكرة دي إن لو واحد خبرته قليلة في أمور الصيانة دي وبدل ما يقعد يجرب كل من هب ودب ، بدل ده ممكن يروح لواحد موثوق فيه يكون حد جربه قبل كده وتعامل معاه ووثق فيه وفي أمانته
أصل أنا يا ما انتفخت من الصنايعية للأسف عشان مكنش حد بيدلني على الكويس وكنت بروح لأي حد وخلاص لحد ما صرفت أكتر من 9000 جنيه على عربية (ماتيز) بسبب قلة الخبرة لحد ما اتورطت مع شوية حرامية !!! طبعًا 9000 جنيه مبلغ ضخم بالنسبة لعربية سعرها لا يتجاوز 29000 وقتها بس الواحد مش بيتعلم ببلاش زي ما بيقولوا

رد: :: هنا نجمع عناوين مراكز وورش الصيانة الموثوقة ::

فكرة رائعة ابا عبدالرحمن ويجب ان تحدد ايه الموديل اللى صاحب الورشة بيحب يشتغل فيه

رد: :: هنا نجمع عناوين مراكز وورش الصيانة الموثوقة ::

لم أقصد مضايقتك
بل بالعكس رحبت جدا بالفكرة و شكتك على حبك و إحساسك بمسؤلية المساعدة لأعضاء المنتدى
و اردت فقط ان أوضح ان ليس للإدارة علاقة بهذة الورش
فلماذا غضبت؟