مصر موتورز مجتمع السيارات - مشكلة في رينو ريمبو مش لاقيلها حل

انقذوني يا جماعة دفعت اللي ورايا و اللي قدامي
العربية رينو ريمبو 99 كاربراتير
من شهر ابتدت اول ما تدور الصلح تتاخر في الدوارة و تنتش و هي ماشية 5 دقايق كده كانها مخنوقة و بعد كده تفضل عادية طول اليوم و لما تتركن بليل انزل الصبح الاقيها بتتاخر و تنتش برضه
قولت بوجيهات غيرتهم و مفيش جديد و الموضوع بقى بيزيد و بدل ما كانت بتنتش بس بقت بتبطل و هي ماشية و مبترضاش تدور و ريحتها عادم فظيع روحت بيها لميكانيكي خلاني غيرت وش اسبراتير و شاكوش و سلوك بوجيهات و مفيش حاجة اتغيرت و المشكلة الكبيرة انها بتقعد نص ساعة بايظة و بعد كده تتعدل فالصنايعية بيفتكرو انهم صلحوها و بترجع تاني يوم الصبح بايظة
رجعت بيها للميكانيكي قالي حساس كرنك قولتله لا لو كده مش هتدور اصلا قولتله انا هسيبهالك تبص عليها الصبح عشان تشوف بتعمل ايه بالظبط
بص عليها قالي كربراتير و فعلا الكربراتير كان مليان بنزين لما فتحته
روحت بيها لمتخصص كربراتير نضفه و قالي مفهاش حاجة ده عيب كهرباء
قربت اخرق المارش و ابوظ البطارية ده غير المصاريف اللي بدفعها كل يوم للصنايعية و كل يوم حد يقولي حاجة جديدة و تتطلع غىط و المشكلة الاكبر انها لما بتسخن بتتظبط لوحدها من غير تدخل ف مفيش مجال او وقت كفاية للتجربة
اعمل ايه بالله عليكم عشان تعبت😃