|
تجربتى مع مركز صيانه هيونداى ابو غالى
يا جماعه انا رحت امبارح السبت اعمل صيانة ال 10000 كم لعربيتى الانترا 2009 و لما سألت عن التخفيض لأعضاء المنتدى مهندس الاستقبال قالى لازم تكون جايب ورقه من المنتدى و لمل قولت له الكلام ده مش مظبوط و انا على حد علمى ان فيه قائمه باسم الاعضاء المستفيده من العرض ده. قالى اصل المهندس حاتم و المهندس احمد مش موجودين و هم المسؤلين عن العرض ده. انا فى الحقيقه سكت لان الكلام مش حيجيب نتيجه بس فى سرى قولت يعنى لو المهندس حاتم ولا المهندس احمد سابوا الشركه العرض ده حينتهى و لا ايه؟ يا ريت حد يوضح لنا ايه الطريقه المثلى للاستفاده من العرض مع العلم انى كلمت المهندس حاتم اكتر من مره بس هو مش بيرد و المهندس احمد رد عليه لما كونت باخد ميعاد اروح فيه بس ما قالش اى حاجه عن الورقه عشان استفيد بالعرض ده. اما بالنسبه للخدمه فكانت هايله. انا وصلت هناك الساعه 9:00 و خلصت الساعه 12:00. و المكان نظيف و الناس متعاونه جدا.
|
رد: تجربتى مع مركز صيانه هيونداى ابو غالى
اولا اشكرك على عرض تجربتك مع مركز الخدمة والحمد لله ان الخدمة كانت على المستوى الائق بإعضاء المنتدى ثانياً بخصوص الطريقة المثلى للاستفادة من جميع العروض فهى حالياً عن طريق تقديم كارت الخصومات الخاص بالمنتدى http://www.masrmotors.com/vb/picture...&pictureid=768 علماً بان ذلك غير ملزم فى اغلب العروض لكن بعد مقدمى الخدمات بيطلبو طريقة لاثبات العضوية والطريقة القديمة المتبعة بواسطة قوائم المشتركين غير مناسبة بعض الجهات وتستلزم حضور منسق العرض الدائم فى مكان الخدمة للتأكد من العضوية ومراجعة الكشوف والقوائم لذا يمكنك الاستفادة من العرض عن طريق التسجيل فى العرض والحجز المسبق بالاتصال بمنسقى العروض او استخدام الكارت ايهما انسب بالنسبة لك ثالثاً يمكنك الاتصال بالمهندس حاتم او زيارتة فى مركز الخدمة بداية من الاسبوع القادم لانة كان فى مسئول عن مركز الخدمة فى مارينا الفترة اللى فاتت وقمت بابلاغة بموضوعك اشكرك مرة اخرى واعتذر عن اى لبس او مغالطة حصلت بدون قصد وفى حالة وجود اى استفسار او مشكلة بخصوص العروض ممكن حضرتك تتصل على الرقم التالى 0109943300 |
رد: تجربتى مع مركز صيانه هيونداى ابو غالى
ابو نورا
اشكرك جدا على الرد و اهتمامك بالموضوع. على فكره انا فعلا مسجل اسمى عن طريق المشاركه فى موضوع عرض و خصومات ابو غالى لكن معرفش ايه موضوع كارت الخصومات. ممكن توضح كيفية الحصول عليه؟ |
رد: تجربتى مع مركز صيانه هيونداى ابو غالى
هو اية حكاية الولاعة و النسخة التانية من المفاتيح اللي بيسلموها على صيانة ال 1000 كيلو
|
| الساعة الآن 05:05 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017