مصر موتورز مجتمع السيارات

النهاردة حصلت معايا حاجة غريبة دورت العربية الصبح وانا رايح الشغل ودارت عادى من غير اى مشاكل وجيت عند الشغل ركنت لمدة دقيقتين وبعدين روحت عشان اركنها بدور مش عاوزة تدور والنور بتاع اللمض بتاعت الكونتاكت بيطفى وانا بدور ولمبة البطارية مش منورة فى التابلوة المهم دورتها زق دارت على طول وركنت وبطلت وجيت ادور تانى مادارتش وبصيت على لمبة البطارية لقيتها خضرا ( البطارية اصلا لسه جديدة من كام شهر كده يعنى مكملتش سنة ) تفتكروا المشكلة دى بسبب ايه ؟ وبعدين هو فى تعتيلة فى الدوارة مع انطفاء للانوار فى التابلوة و للعلم ان وحدة رفع الازاز شغالة والانذار شغال والاشارات يعنى متهيالى البطارية سليمة ولا ايه ؟ ارجو الافادة سريعا لسرعة حل المشكلة بعد الشغل ان شاء الله